കൊട്ടിയം: കൊട്ടിയത്തും പരിസര പ്രദേശങ്ങളിലുമുള്ള സ്കൂൾ, കോളേജ് വിദ്യാർത്ഥികളെ ചിത്രരചന പഠിപ്പിക്കാൻ ആർട്ടിസ്റ്റ് അബിയുടെ നേതൃത്വത്തിൽ വരയുടെ തിരമാലകൾ എന്ന പരിശീലനത്തിന് കൊട്ടിയം എൻ.എസ്.എം.ജി.എച്ച്.എസിൽ തുടക്കമായി. റൈസിംഗ് കൊട്ടിയം പ്രസിഡന്റ്‌ പുല്ലാംകുഴി സന്തോഷ്‌ ഉദ്ഘാടനം ചെയ്തു. സ്കൂൾ ഹെഡ്മിസ്ട്രസ് ജൂഡറ്റ് ലത അദ്ധ്യക്ഷയായി. ജനറൽ സെക്രട്ടറി റോയൽ സമീർ, സ്കൂൾ സീനിയർ അസിസ്റ്റന്റ് ജിസ്മി, അദ്ധ്യാപകൻ ജിഫ്രി, അലോഷ്യസ് റോസാരിയൊ, അയൂബ് മേത്തർ, നസീർ ഖാൻ, റഹിം, നിസാം, അബ്ദുൽ സലാം, അശോക് പ്രസാദ്, അസീർ, ജോസഫ്, യൂസുഫ് ഖാൻ, അബ്ദുൽ വഹാബ് എന്നിവർ സംസാരിച്ചു.