തൃശൂർ: അമ്പതിലേറെ ദളിത് സംഘടനകൾ രൂപീകരിച്ച സംവരണ സംരക്ഷണ സമിതിയുടെ നേതൃത്വത്തിൽ ഇന്ന് തൃശൂർ തേക്കിൻക്കാട് മൈതാനിയിൽ സാമൂഹികനീതി സംഗമവും അര ലക്ഷം പേർ പങ്കെടുക്കുന്ന റാലിയും സംഘടിപ്പിക്കും. പട്ടികജാതി പട്ടികവർഗ വിഭാഗങ്ങൾക്ക് സംവരണത്തിന് വരുമാന പരിധിയും ഉപസംവരണവും നടപ്പാക്കരുതെന്ന് ആവശ്യപ്പെട്ട് വൈകിട്ട് മൂന്നിന് തേക്കിൻകാട് മൈതാനത്ത് നടക്കുന്ന സമ്മേളനം കെ.പി.എം.എസ് സംസ്ഥാന ജനറൽ സെക്രട്ടറി എം.കെ.തങ്കപ്പൻ ഉദ്ഘാടനം ചെയ്യും. ദേശീയ ലാ അക്കാഡമി മുൻ ഡയറക്ടർ ഡോ.മോഹൻ ഗോപാൽ മുഖ്യപ്രഭാഷണം നടത്തും. വേലൻ ഏകോപന സമിതി പ്രസിഡന്റ് രാജീവ് നെല്ലിക്കുന്നേൽ അദ്ധ്യക്ഷത വഹിക്കും. സമിതി ചെയർമാൻ സണ്ണി എം. കപിക്കാട് മുഖ്യപ്രഭാഷണം നടത്തും.