ഇരിങ്ങാലക്കുട : നഗരസഭാ പരിധിയിലെ റോഡുകളുടെ ശോചനീയാവസ്ഥയ്ക്കെതിരെ സി.പി.ഐ മണ്ഡലം കമ്മറ്റിയുടെ ആഭിമുഖ്യത്തിൽ നഗരസഭയിലേക്ക് പ്രതിഷേധ മാർച്ച് നടത്തി. ജില്ല എക്‌സിക്യൂട്ടീവ് അംഗം ടി.കെ.സുധീഷ് ഉദ്ഘാടനം ചെയ്തു. മണ്ഡലം സെക്രട്ടറി പി.മണി അദ്ധ്യക്ഷത വഹിച്ചു. ജില്ലാ കൗൺസിൽ അംഗം അനിത രാധാകൃഷ്ണൻ, മണ്ഡലം സെക്രട്ടറിയേറ്റ് അംഗങ്ങളായ എം.ബി.ലത്തീഫ്, എ.ജെ.ബേബി, മണ്ഡലം അസി.സെക്രട്ടറി എൻ.കെ.ഉദയ പ്രകാശ്, കെ.എസ്.പ്രസാദ് തുടങ്ങിയവർ പ്രസംഗിച്ചു. ഇതുവരെ നമ്പർ ലഭിക്കാത്ത പൊറത്തിശ്ശേരി ചാത്തൻമാസ്റ്റർ ഹാളിന്റെയും ഇരിങ്ങാലക്കുട ഷീ ലോഡ്ജിന്റെയും ഉദ്ഘാടനം നടത്തിയ നഗരസഭ ഭരണസമിതി ഓരോ വർഷവും കോടികളാണ് പദ്ധതി ഫണ്ട് ലാപ്‌സാക്കുന്നതെന്നും യോഗം കുറ്റപ്പെടുത്തി. വി.ആർ.രമേഷ്, പി.ആർ.രാജൻ, ഇ.ജി.നെജിൽ എന്നിവർ മാർച്ചിന് നേതൃത്വം നൽകി.