പാവറട്ടി: മുല്ലശ്ശേരി ഉപജില്ലാ കലോത്സവത്തിൽ ഹയർ സെക്കൻഡറി ജനറൽ വിഭാഗത്തിൽ കിരീടം പാവറട്ടി സെന്റ് ജോസഫ് എച്ച്.എസ്.എസിന്. ഹൈസ്‌കൂൾ ജനറൽ വിഭാഗത്തിൽ മുന്നിൽ സി.കെ.സി.ജി.എച്ച്.എസ് പാവറട്ടി. യു.പി ജനറൽ കലോത്സവത്തിൽ മുല്ലശ്ശേരി വിവേകാനന്ദ ഇ.എം സ്‌കൂളിന് കിരീടം. എൽ.പി ജനറൽ കലോത്സവത്തിൽ സി.കെ.സി ഇ.എം.എൽ.പി.എസ് പാവറട്ടിക്കും സെന്റ് ജോസഫ് എൽ.പി.എസ് മുല്ലശ്ശേരി എന്നിവരും ജേതാക്കളായി. ഹൈസ്‌കൂൾ വിഭാഗം അറബി സാഹിത്യോത്സവത്തിൽ പാടൂർ അലീമുൽ ഇസ്ലാം ഹയർ സെക്കൻഡറി സ്‌കൂളും വെണ്മേനാട് എം.എ.എസ്.എം വി.എച്ച്.എസ്.എസും മുന്നിൽ. യു.പി വിഭാഗത്തിൽ എം.എ.എസ്.എം വി.എച്ച്.എസ്.എസ് വെണ്മേനാടും പാടൂർ വി.വി.യു.പി.എസും ജേതാക്കളായി. മുല്ലശ്ശേരി ബ്ലോക്ക് പഞ്ചായത്ത് പ്രസിഡന്റ് ലതി വേണുഗോപാൽ അദ്ധ്യക്ഷത വഹിച്ചു. ഉപജില്ല വിദ്യാഭ്യാസ ഓഫീസർ ഷീബ ചാക്കോ ഫലപ്രഖ്യാപനം നടത്തി. പഞ്ചായത്ത് പ്രസിഡന്റുമാരായ ശ്രീദേവി ജയരാജൻ, കൊച്ചപ്പൻ വടക്കൻ, ജില്ലാ പഞ്ചായത്ത് അംഗം ബെന്നി ആന്റണി, ഷാജു അമ്പലത്ത്, ഗ്രേസി ജേക്കബ്, ഷരീഫ് ചിറക്കൽ, ഗ്രാമ പഞ്ചായത്തംഗങ്ങൾ എന്നിവർ സമ്മാനദാനം നിർവഹിച്ചു. മുഹ്‌സിൻ പാടൂർ, സി.രാധാകൃഷ്ണൻ, ജോ ഇമ്മാനുവേൽ, ഡൊമിനിക് സാവിയോ, ടി.യു ജയ്‌സൺ തുടങ്ങിയവർ സംസാരിച്ചു.
മറ്റ് വിഭാഗങ്ങളും ജേതാക്കളും :
എൽ.പി വിഭാഗം- ഏനാമാക്കൽ സെന്റ് ജോസഫ് എച്ച്.എസ്, സെന്റ് ജോസഫ് എൽ.പി.എസ് മുല്ലശ്ശേരി, സെന്റ് ജോസഫ് എൽ.പി.എസ് പാവറട്ടി
ഹൈസ്‌കൂൾ വിഭാഗം സംസ്‌കൃതോത്സവം : സെന്റ് ജോസഫ് എച്ച്.എസ് ഏനാമാക്കൽ
യു.പി വിഭാഗം: വി.വി യു.പി.എസ് പാടൂർ