കൊടുങ്ങല്ലൂർ : ടൗൺ പ്രവാസി ക്ഷേമ സഹകരണ സംഘം ഡയറക്ടർ ബോർഡിലേക്ക് നടന്ന തിരഞ്ഞെടുപ്പിൽ സി.പി.എം സ്ഥാനാർത്ഥികൾ എതിരില്ലാതെ തിരഞ്ഞെടുക്കപ്പെട്ടു. പ്രസിഡന്റായി നഗരസഭ കൗൺസിലറും സി.പി.എം പുല്ലൂറ്റ് ലോക്കൽ കമ്മിറ്റി അംഗവുമായ പി.എൻ.വിനയചന്ദ്രനെ തിരഞ്ഞെടുത്തു. കെ.എസ്.ലൂയിസാണ് വൈസ് പ്രസിഡന്റ്. ഡയറക്ടർ ബോർഡ് അംഗങ്ങളായി അഡ്വ.അബ്ദുൾഖാദർ കണ്ണേഴത്ത്, കെ.എം.പ്രകാശൻ (തോമസ് മൈക്കിൾ), അഷ്‌റഫ് പൂവത്തിങ്കൽ, സി.കെ.അബ്ദുൾ ജമാൽ, പി.എം.നൂറുദ്ദീൻ, പി.എം.അബ്ദുൾ അമീർ, സക്കീന അയ്യാരിൽ, സ്മിത അനിൽകുമാർ, സി.എസ്.റസാക്ക്, ജി.ആർ.വേണുഗോപാലൻ എന്നിവരെയും തിരഞ്ഞെടുത്തു.