ഗുരുവായൂർ: സത്യസായി ബാബയുടെ 99ാം ജയന്തി ആഘോഷം ഗോവ ഗവർണർ പി.എസ്.ശ്രീധരൻപിള്ള ഉദ്ഘാനം ചെയ്തു. സായി സഞ്ജീവനി ചാരിറ്റബിൾ ട്രസ്റ്റ് ചെയർമാൻ സ്വാമി ഹരിനാരായണൻ അദ്ധ്യക്ഷനായി. പി.വി.ചന്ദ്രൻ മുഖ്യാതിഥിയായി. ലോക റെക്കാഡ് നേടിയ ഗാനം സായീരവം 99 ഗായകർ ഒരുമിച്ച് പാടി ഗുരുദക്ഷിണയായി സമർപ്പിച്ചു. വയലിൻ ആർട്ടിസ്റ്റ് ഗംഗ ശശിധരൻ വയലിൻ കച്ചേരി അവതരിപ്പിച്ചു. കവി റഫീക് അഹമ്മദ് രചിച്ച് വിജീഷ് മണി സംഗീത സംവിധാനം നിർവഹിച്ച ഗാനം ഒരേ സമയം 99 ഗായകർ വിവിധ സ്റ്റുഡിയോകളിൽ പാടി സമർപ്പിച്ചതാണ് വേൾഡ് റെക്കാഡ് യൂണിയന്റെ അവാർഡിന് അർഹമായത്. ഗാനത്തിന്റെ റിലീസ് ഗവർണർ ശ്രീധരൻ പിള്ള നിർവഹിച്ചു. വേൾഡ് റെക്കാഡ് യൂണിയൻ സി.ഇ.ഒ. ക്രിസ്റ്റഫർ ടെയ്‌ലർ ക്രാഫ്റ്റ് റെക്കാഡ് പ്രഖ്യാപനം നടത്തി. സംവിധായകൻ വിജീഷ് മണി , മൗറീഷ്യസ് ട്രേഡ് കമ്മീഷണർ അഡ്വ.ഡോ.പി.കൃഷ്ണദാസ് തുടങ്ങിയവർ വിശിഷ്ടാതിഥികളായി. പ്രസിത ടീച്ചറും സംഘവും അവതരിപ്പിച്ച രാധാമാധവം നൃത്തശിൽപ്പം, മണലൂർ ഗോപിനാഥ് അവതരിപ്പിച്ച ഓട്ടൻ തുള്ളൻ എന്നിവയും നടന്നു. പിറന്നാൾ സദ്യയും ഉണ്ടായിരുന്നു. ട്രസ്റ്റി സബിത രഞ്ജിത്, വി.പി.ഉണ്ണികൃഷ്ണൻ, രാമദാസ് ആലത്തി എന്നിവർ നേതൃത്വം നൽകി.