തൃശൂർ: ഹരിതകേരളം മിഷൻ 'ഹരിതകലാലയം' പുരസ്കാരം യൂണിവേഴ്സൽ എൻജിനീയറിംഗ് കോളേജിന് നൽകി. കോളേജ് എൻകോൺ ക്ലബ് പരിസ്ഥിതി ഊർജ്ജ സംരക്ഷണ രംഗത്ത് നൽകിയ സംഭാവനകളാണ് പുരസ്‌കാരത്തിന് പരിഗണിച്ചത്. പരിസ്ഥിതി പരിപാലനത്തിന്റെ സംസ്‌കാരം സമൂഹത്തിന് പകർന്ന് നൽകാൻ ഹരിത പെരുമാറ്റച്ചട്ടം പാലിച്ച് ശുചിത്വമാലിന്യ സംസ്‌കരണം, ജലസുരക്ഷ, ഊർജ്ജസംരക്ഷണം, ജൈവവൈവിധ്യ സംരക്ഷണം എന്നീ മേഖലകളുമായി ബന്ധപ്പെട്ട് കാര്യക്ഷമവും മാതൃകാപരവുമായ പ്രവർത്തനങ്ങൾ നടത്തിയതിന്റെ അടിസ്ഥാനത്തിൽ എ പ്ലസ് ഗ്രേഡോടെ ആണ് എൻകോൺ ക്ലബ്ബ് നേട്ടം കൈവരിച്ചത് . പ്രിൻസിപ്പാൾ ഡോ .ജോസ്.കെ.ജേക്കബ്, എൻകോൺ ക്ലബ് കോർഡിനേറ്റർ കെ.കെ.അബ്ദുൽ റസാഖ് എന്നിവർ വി.ആർ.സുനിൽ കുമാർ എം.എൽ.എയിൽ നിന്ന് പുരസ്കാരം ഏറ്റുവാങ്ങി .