അന്നമനട: അന്നമനടയിൽ ക്ഷീരകർഷകർക്ക് ആശ്വാസമായി ഗോവർദ്ധിനി പദ്ധതി ആരംഭിച്ചു. 34 മാസത്തെ കന്നുകുട്ടികളെ 30 മാസത്തേക്ക് സംരക്ഷിക്കുന്നതാണ് ഈ പദ്ധതിയുടെ ലക്ഷ്യം. 60 ക്ഷീരകർഷകർക്ക് 7.5 ലക്ഷം രൂപയാണ് സർക്കാർ അനുവദിച്ചിരിക്കുന്നത്. പഞ്ചായത്തിലെ മിൽമയിൽ പാല് വിൽക്കുന്ന കർഷകർക്ക് 4.5 ലക്ഷം രൂപ സബ്‌സിഡിയും ഒരു ലക്ഷം രൂപയുടെ കാലിത്തീറ്റയും നൽകുന്നു. അന്നമനട പഞ്ചായത്ത് പ്രസിഡന്റ് പി.വി. വിനോദ് പദ്ധതി ഉദ്ഘാടനം ചെയ്തു. വികസനകാര്യ സ്ഥിരം സമിതി അദ്ധ്യക്ഷൻ ടി.കെ. സതീശൻ, വാർഡ് അംഗം സി.കെ .ഷിജു ഡോ. അലോഷ്, പി.കെ. ജനാർദ്ദനൻ, എം.ആർ. സോമൻ എന്നിവർ പ്രസംഗിച്ചു.