നെടുമങ്ങാട് : വഴയില -പഴകുറ്റി നാലുവരിപ്പാതയുടെ ഭാഗമായുള്ള കരകുളം ഫ്ളൈ ഓവർ നിർമ്മാണവുമായി ബന്ധപ്പെട്ട് നെടുമങ്ങാട് - തിരുവനന്തപുരം റൂട്ടിൽ നവംബർ 5 മുതൽ പൂർണ ഗതാഗതനിയന്ത്രണം ഏർപ്പെടുത്തുമെന്ന് മന്ത്രി ജി.ആർ അനിൽ അറിയിച്ചു. 2,4 തീയതികളിൽ സമാന്തര റൂട്ടുകളിൽ കെ.എസ്.ആർ.ടി.സി ട്രയൽ റൺ നടത്തും.
നെടുമങ്ങാട് -തിരുവനന്തപുരം
നെടുമങ്ങാട് ഭാഗത്തു നിന്നും തിരുവനന്തപുരത്തേക്ക് പോകുന്ന വാഹനങ്ങൾ കെൽട്രോൺ ജംഗ്‌ഷനിൽ നിന്നും അരുവിക്കര റോഡിൽ തിരിഞ്ഞ് ഇരുമ്പ- കാച്ചാണി വഴി മുക്കോല- വഴയില റോഡിൽ ഇടത്തേക്കു തിരിഞ്ഞ് പോകണം
വഴയില നിന്നും മുക്കോല ജംഗ്‌ഷൻ വരെ പ്രദേശവാസികളുടെ വാഹനങ്ങളൊഴികെ മറ്റ് വാഹനങ്ങൾക്ക് പ്രവേശനം അനുവദിക്കില്ല
ചെറു വാഹനങ്ങൾക്ക് കല്ലമ്പാറ, വാളിക്കോട്, പത്താംകല്ല് എന്നിവിടങ്ങളിൽ നിന്നും വലത്തേയ്ക്ക് തിരിഞ്ഞ് വട്ടപ്പാറ എം.സി റോഡ് വഴിയും പോകാം.
തിരുവനന്തപുരം-നെടുമങ്ങാട്
പേരൂർക്കട ജംഗ്‌ഷനിൽ നിന്ന് ഇടത്തേക്ക് തിരിഞ്ഞ് കുടപ്പനക്കുന്ന്- മുക്കോല-ശീമമുളമുക്ക്-വാളിക്കോട് വഴി നെടുമങ്ങാട് എത്താം
വഴയില ജംഗ്‌ഷനിൽ നിന്നും ഇടത്തേക്ക് തിരിഞ്ഞു കല്ലയം-ശീമമുളമുക്ക്- വാളിക്കോട് വഴി നെടുമങ്ങാട് കെ.എസ്.ആർ.ടി.സി ലാ ഫ്‌ളോർ (ജൻറം) ബസുകൾ ഇതു വഴി സർവീസ് നടത്തും
ഏണിക്കര കഴിഞ്ഞ് ഡി.പി.എം.എസ് ആശുപത്രി ജംഗ്‌ഷനിൽ നിന്ന് ഇടത്തേക്ക് തിരിഞ്ഞ് മുല്ലശേരി -കായ്പ്പാടി-മുളമുക്ക് വഴി നെടുമങ്ങാട്. ഈ റൂട്ടിൽ ഹെവി വാഹനങ്ങൾക്ക് നിയന്ത്രണമുണ്ട്
കെ.എസ്.ആർ.ടി.സി ഇലക്ട്രിക് ബസുകൾ ഈ റൂട്ടിൽ സർവീസ് നടത്തും
കരകുളം പാലം ജംഗ്‌ഷനിൽ നിന്ന് വലതു തിരിഞ്ഞ്,കാച്ചാണി ജംഗ്‌ഷൻ വഴി അരുവിക്കര റോഡിലൂടെ കെൽട്രോൺ ജംഗ്‌ഷനിലെത്തി നെടുമങ്ങാട് ഭാഗത്തേക്ക് പോകാം
നിലവിൽ നെടുമങ്ങാട് ഭാഗത്തേക്ക് പോകുന്ന കെ.എസ്.ആർ.ടി.സി ബസുകൾ ഈ റൂട്ടിലൂടെ സർവീസ് നടത്തും
കാച്ചാണി മുതൽ കരകുളം പാലം ജംഗ്‌ഷൻ വരെ പ്രദേശവാസികളുടെ വാഹനങ്ങളൊഴികെ മറ്റ് വാഹനങ്ങൾ അനുവദിക്കില്ല
കാച്ചാണി -കരകുളം പാലം - വഴയില- പേരൂർക്കട റൂട്ടിലും തിരിച്ചും കെ.എസ്.ആർ.ടി.സി സർക്കിൾ സർവീസ് നടത്തും
ഹെവി ഭാരവാഹനങ്ങൾ രാവിലെ 7.30 മുതൽ 10.30 വരെയും വൈകിട്ട് 3 മുതൽ 6 വരെയും നിരോധിച്ചു
തിരുവനന്തപുരം ഭാഗത്തേക്ക് ക്വാറി ഉത്പന്നങ്ങളുമായി പോകുന്ന ടിപ്പർ വാഹനങ്ങളും ചരക്കുവാഹനങ്ങളും ചെറിയകൊണ്ണി-കാപ്പിവിള-മൂന്നാമൂട്-വട്ടിയൂർക്കാവ് വഴിയും നെടുമങ്ങാട് ഭാഗത്തേക്കുള്ള വാഹനങ്ങൾ ചെറിയകൊണ്ണി-കുതിരകുളം-അരുവിക്കര-അഴിക്കോട് വഴിയും പോകേണ്ടതാണ്.