ആറ്റിങ്ങൽ: ജനകീയ വിഷയങ്ങൾ ഊന്നി പ്രാദേശിക തലത്തിൽ വിവിധ ക്യാമ്പയിനുകൾക്ക് തുടക്കം കുറിച്ച് കേരള കൗമുദി നാളെ ഉച്ചകഴിഞ്ഞ് 3ന് ആറ്റിങ്ങൽ ഹോട്ടൽ സാവിത്രിയിൽ നടക്കുന്ന വർണാഭമായ ചടങ്ങ് മന്ത്രി ജി.ആർ. അനിൽ ഉദ്ഘാടനം നിർവഹിക്കും. വിവിധ മേഖലകളിൽ പ്രാഗത്ഭ്യം തെളിയിച്ചവരെ ചടങ്ങിൽ ആദരിക്കും. ആറ്റിങ്ങൽ മുനിസിപ്പൽ ചെയർപേഴ്സൺ അഡ്വ.എസ്. കുമാരി, കേരളകൗമുദി യൂണിറ്റ് ചീഫ് എസ്. വിക്രമൻ, ജനറൽ മാനേജർമാരായ ഷിറാസ് ജലാൽ, അയ്യപ്പദാസ്, ഡി.ജി.എം. ആർ. ചന്ദ്രദത്ത്, ചീഫ് മാനേജർ വിമൽകുമാർ, മാർക്കറ്റിംഗ് മാനേജർ സുധികുമാർ, ലേഖകരായ ബൈജുമോഹൻ, സജി നായർ, ജിജു പെരുങ്കുഴി, സുനിൽകുമാർ, സജിതൻ മുടപുരം, കെ.ആർ. അനിൽ ദത്ത് തുടങ്ങിയവർ പങ്കെടുക്കും.