കടയ്ക്കാവൂർ: മാലിന്യമുക്ത നവകേരള ജനകീയ ക്യാമ്പെയിനിന്റെ ഭാഗമായി അഞ്ചുതെങ്ങ് പഞ്ചായത്തിലെ 5 കേന്ദ്രങ്ങളെ ഹരിത വിനോദ സഞ്ചാര കേന്ദ്രങ്ങളായി പ്രഖ്യാപിച്ചു. അഞ്ചുതെങ്ങ് കായലിലെ പൊന്നുംതുരുത്തിൽ നടന്ന ചടങ്ങിൽ കളക്ടർ അനുകുമാരി പ്രഖ്യാപനം നടത്തി. അഞ്ചുതെങ്ങ് കോട്ട, കായിക്കര കുമാരനാശാൻ സ്മാരകം,നെടുങ്ങണ്ട പൊന്നുംതുരുത്ത്, അഞ്ചുതെങ്ങ് ലൈറ്റ് ഹൗസ്, കുമാരനാശാൻ കവിതയെഴുതിയിരുന്ന നെടുങ്ങണ്ട അരിയിട്ടകുന്ന് ചെമ്പകത്തറ എന്നിവയാണ് പ്രകൃതി സൗഹൃദ വിനോദ സഞ്ചാരകേന്ദ്രങ്ങളായി പ്രഖ്യാപിച്ചത്. പഞ്ചായത്ത് പ്രസിഡന്റ് വി.ലൈജു

അദ്ധ്യക്ഷനായി. ജില്ലാ പഞ്ചായത്ത് വൈസ് പ്രസിഡന്റ് ഷൈലജാബീഗം, ജില്ലാ പഞ്ചായത്തംഗം ആർ.സുഭാഷ്, ബ്ലോക്ക് പ്രസിഡന്റ് പി.സി. ജയശ്രീ, ലിജാ ബോസ്, സ്റ്റീഫൻ ലൂയിസ്, സി.അശോക്, അരുൺരാജ്, ജയ ശ്രീരാമൻ, ദിവ്യ ഗണേഷ്, സജിസുന്ദർ, മിനിജൂഡ്, എസ്.പ്രവീൺ ചന്ദ്ര, പി.രാജീവ് എന്നിവർ സംസാരിച്ചു.