പൂവാർ: ഊറ്ററ ക്ഷേത്രം സിറ്റി ഫാസ്റ്റ് ബസ് സർവീസ് പുനരാരംഭിച്ചു. ഈസ്റ്റ് ഫോർട്ടിൽ നിന്ന് 7.20ന് ആരംഭിക്കുന്ന സർവീസ് വിഴിഞ്ഞം വഴി 8.20ന് ഊറ്ററ ക്ഷേത്രത്തിലെത്തിച്ചേരും. വീണ്ടും 8.30ന് ആരംഭിച്ച് വിഴിഞ്ഞം വഴി ഈസ്റ്റ് ഫോർട്ട്-മെഡിക്കൽ കോളേജിൽ 10ന് എത്തിച്ചേരും. അവിടെനിന്ന് 10.30ന് വീണ്ടും ആരംഭിച്ച് 12ന് ഊറ്ററയിലെത്തിച്ചേരും. 12.10ന് ഊറ്ററയിൽ നിന്നും ആരംഭിക്കുന്ന സർവീസ്,ഉച്ചയ്ക്ക് 1.10ന് ഈസ്റ്റ് ഫോർട്ടിൽ അവസാനിക്കും. ഉച്ചയ്ക്ക് ശേഷം 2.30ന് ഈസ്റ്റ് ഫോർട്ട് നിന്നും ആരംഭിച്ച് ​3.30ന് ഊറ്ററ ക്ഷേത്രത്തിലെത്തും. 3.40ന് ഊറ്ററ നിന്നും ആരംഭിച്ച് വിഴിഞ്ഞം ഈസ്റ്റ് ഫോർട്ട് വഴി 5.10ന് മെമെഡിക്കൽ കോളേജിലെത്തിച്ചേരും. അവിടെ നിന്ന് 5.20ന് ആരംഭിച്ച് പട്ടം-ഈസ്റ്റ് ഫോർട്ട്-വിഴിഞ്ഞം വഴി വൈകിട്ട് 6.50ന് ഊറ്ററയിലെത്തും. 7.10ന് ഊറ്ററ നിന്ന് ആരംഭിച്ച് വിഴിഞ്ഞം വഴി ഈസ്റ്റ്‌ ഫോർട്ടിൽ രാത്രി 8.10ന് സമാപിക്കുന്നതാണ് സമയക്രം.