വിഴിഞ്ഞം: സി.പി.എം കോവളം ഏരിയാ സമ്മേളനത്തിന് വിഴിഞ്ഞത്ത് തുടക്കമായി. പ്രതിനിധി സമ്മേളനം സംസ്ഥാന കമ്മിറ്റിയംഗം എം.വിജയകുമാർ ഉദ്ഘാടനം ചെയ്തു. ഏരിയാ കമ്മിറ്റിയംഗം വണ്ടിത്തടം മധു അദ്ധ്യക്ഷത വഹിച്ചു. മുതിർന്ന അംഗം ഡോ.വി. ഗബ്രിയേൽ പതാക ഉയർത്തി.കരിങ്കട രാജൻ രക്തസാക്ഷി പ്രമേയവും എം.വി. മൻമോഹനും ശിജിത്ത് ശിവസും അനുശോചന പ്രമേയം അവതരിപ്പിച്ചു.വണ്ടിത്തടം മധു,ജി. ശാരിക,എസ്.മണിക്കുട്ടൻ,ബി. എസ്.ദേവിക എന്നിവരടങ്ങുന്ന പ്രസീഡിയമാണ് സമ്മേളനം നിയന്ത്രിക്കുന്നത്.കെ.ജി സനൽകുമാർ,എൻ ബിനുകുമാർ, വി അനൂപ് എന്നിവർ കൺവീനർമാരായി കമ്മിറ്റികളും പ്രവർത്തിക്കുന്നു. യു.സുധീറാണ് സ്വാഗതസംഘം ജനറൽ കൺവീനർ. സംസ്ഥാന കമ്മിറ്റിയംഗങ്ങളായ മന്ത്രി വി. ശിവൻകുട്ടി,ടി.എൻ.സീമ,ജില്ലാ സെക്രട്ടേറിയറ്റംഗങ്ങളായ സി. ജയൻബാബു, കെ.സി.വിക്രമൻ, പുത്തൻകട വിജയൻ,കെ.എസ്. സുനിൽകുമാർ,ജില്ലാകമ്മിറ്റിയംഗം പി.രാജേന്ദ്രകുമാർ എന്നിവർ പങ്കെടുത്തു.മുതിർന്ന നേതാക്കളായ പയറുംമൂട് തങ്കപ്പൻ, ആറ്റുപുറം അലി, എം.എം.ഇബ്രാഹിം എന്നിവരെ സമ്മേളനത്തിൽ അനുമോദിച്ചു. ഏരിയാ സെക്രട്ടറി പി.എസ്.ഹരികുമാർ പ്രവർത്തന റിപ്പോർട്ട് അവതരിപ്പിച്ചു.സമ്മേളനം ഇന്ന് അവസാനിക്കും.