തിരുവനന്തപുരം : പാലക്കാട് കോൺഗ്രസിന്റെ വനിതാ നേതാക്കൾ താമസിച്ചിരുന്ന മുറിയിലേക്ക് അർദ്ധരാത്രിയിൽ പൊലീസ് ഇടിച്ചു കയറി അതിക്രമം കാട്ടിയെന്നാരോപിച്ച് മഹിളാ കോൺഗ്രസ് ജില്ലാ കമ്മിറ്റി പ്രതിഷേധിച്ചു.സെക്രട്ടേറിയറ്റ് മുന്നിലേക്ക് നടത്തിയ പ്രകടനത്തിൽ പ്രവർത്തകരും പൊലീസുമായി ഉന്തും തള്ളുമുണ്ടായി. പ്രവർത്തകർ ബാരിക്കേഡിന് മുകളിൽ കയറി പ്രതിഷേധിച്ചു.ബാരിക്കേഡ് മറികടന്ന് മതിൽ ചാടി സെക്രട്ടേറിയറ്റിന് അകത്തേക്ക് കടക്കാൻ ശ്രമിച്ചു.പൊലീസ് ഇതിനെ പ്രതിരോധിച്ചു. പ്രവർത്തകരും പൊലീസുമായി പിടിവലിയുണ്ടായി.അരമണിക്കൂറിലധികം നീണ്ട സംഘർഷത്തിന് ഒടുവിൽ പ്രവർത്തകരെ പൊലീസ് അറസ്റ്റ് ചെയ്തു നീക്കി.സംസ്ഥാന ഭാരവാഹികളായ അനിത, ദീപ അനിൽ, ഓമന, ജില്ലാ ഭാരവാഹികളായ പുഷ്പ വിജയൻ,പുഷ്പലീല, ഫാത്തിമ, ഓമന, ബീന അജിത്ത്, സരോജിനി, മഞ്ജുഷ, ബിന്ദു, രാജേശ്വരി, മെർളിൻ തുടങ്ങിയവർ നേതൃത്വം നൽകി.കൻാൺമെന്റ്ര് പൊലീസ് കേസെടുത്തു.