തിരുവനന്തപുരം: ഇടപ്പഴിഞ്ഞി ജംഗ്ഷനിൽ ഇന്റർലോക്ക് പാകുന്ന പ്രവൃത്തികൾ നടക്കുന്നതിനാൽ 9 മുതൽ ഡിസംബർ 9വരെ വഴുതക്കാട് - ഇടപ്പഴിഞ്ഞി - പള്ളിമുക്ക് റോഡിലൂടെയുള്ള ഗതാഗതം ഭാഗികമായി തടസപ്പെടുമെന്ന് പൊതുമരാമത്ത് സിറ്റി റോഡ്സ് വിഭാഗം അസിസ്റ്റന്റ് എൻജിനിയർ അറിയിച്ചു. ഈ ദിവസങ്ങളിൽ വഴുതക്കാട് നിന്ന് ഇടപ്പഴിഞ്ഞി വഴി പാങ്ങോട് ഭാഗത്തേയ്ക്ക് പോകുന്ന വാഹനങ്ങൾ ഇടപ്പഴിഞ്ഞി ജംഗ്ഷനിൽ നിന്ന് ജഗതി വഴിയോ മരുതുംകുഴി വഴിയോ പോകണം.