ആറ്റിങ്ങൽ: ഗവ. ഐ.ടി.ഐയിൽ മലയാള ഭാഷാവാരാഘോഷം കവിയരങ്ങോടുകൂടി സമാപിച്ചു. കവിയരങ്ങിൽ പ്രശസ്ത കവികളായ മടവൂർ സുരേന്ദ്രൻ, ശശി മാവിൻമൂട്, ബാബു പാക്കനാർ, അസീം താന്നിമൂട്, ആനപ്പുഴക്കൽ അനിൽ എന്നിവരും പ്രശസ്ത നോവലിസ്റ്റ് വിഷ്ണുലാൽ സുധയും പങ്കെടുത്തു. സമാപന സമ്മേളനം കവി മടവൂർ സുരേന്ദ്രൻ ഉദ്ഘാടനം ചെയ്തു. പി.ടി.എ പ്രസിഡന്റ് എൽ.ഷാജിയുടെ അദ്ധ്യക്ഷത വഹിച്ചു. മലയാള ഭാഷാ വാരാഘോഷത്തോടനുബന്ധിച്ച് നടത്തിയ വിവിധ മത്സരങ്ങളിൽ വിജയിച്ച കുട്ടികൾക്കുള്ള സമ്മാനദാനവും വിശിഷ്ടാതിഥികൾക്കുള്ള ഉപഹാര സമർപ്പണവും പ്രിൻസിപ്പൽ അനിൽകുമാർ.ടി നിർവഹിച്ചു. ഗ്രൂപ്പ് ഇൻസ്ട്രക്ടർമാരായ ഹരികൃഷ്ണൻ.എൻ, സന്തോഷ്.കെ, ട്രെയിനീസ് കൗൺസിൽ പ്രതിനിധി ആദിത്യ ശങ്കർ തുടങ്ങിയവർ സംസാരിച്ചു. വൈസ് പ്രിൻസിപ്പൽ മിനി.കെ സ്വാഗതവും സ്റ്റാഫ് സെക്രട്ടറി എം.മിഥുൻലാൽ നന്ദിയും പറഞ്ഞു.