തിരുവനന്തപുരം: ഒരിക്കൽ കൂടി കറുപ്പും വെളുപ്പും നിറത്തിലെ യൂണിഫോം ധരിച്ച് പൂർവവിദ്യാർത്ഥികൾ മോഡൽ സ്കൂൾ അങ്കണത്തിൽ ഒത്തുകൂടി.സ്കൂൾ അസംബ്ലിയും ദേശീയ പ്രതിജ്ഞ ചൊല്ലലും ഒക്കെയായി പഴയകാല സ്കൂൾ ഓർമ്മകൾ പുതുക്കി മൈ സ്കൂൾ,​മോഡൽ സ്കൂൾ എന്ന സ്ലോഗൺ ചൊല്ലി പഴയ ചങ്ക് ബ്രോകളായി.

സ്കൂളിലെ എസ്.എസ്.എൽ.സി 77 ബാച്ചുകാരനും ദേശീയ ബാന്റ്മിന്റൻ താരവുമായ യു.വിമൽകുമാർ പൂർവ വിദ്യാർത്ഥി സംഗമം ഉദ്ഘാടനം ചെയ്തു.സ്കൂൾ പരിസരത്ത് പഴയ സ്കൂൾ കാലത്തെ ഓർമ്മപ്പെടുത്തുംവിധം കപ്പലണ്ടി,​​നാരാങ്ങാ,​തേങ്ങാ മിഠായികളും,​ഐസ് സ്റ്റിക്ക്,ഉപ്പിലിട്ട നെല്ലിക്ക,​കാരയ്ക്കാ എന്നിവയും കൂട്ടുകാർക്കായി സംഘം ഒരുക്കിയത് നൊസ്റ്റാൾജിയ പടർത്തി. മരിച്ചുപോയ ഗുരനാഥന്മാരെയും സഹപാഠികളെയും കൂട്ടായ്മ അനുശോചിച്ചു. സ്വാഗതസംഘം ചെയർമാൻ എ.സമ്പത്ത് അദ്ധ്യക്ഷനായി.സൂര്യ കൃഷ്ണമൂർത്തി,​മുൻ അദ്ധ്യാപകൻ ആറ്റുകാൽ രാധാകൃഷ്ണൻ,സ്വാഗതസംഘം കൺവീനർ പ്രകാശ് സി.പി,പ്രിൻസിപ്പൽ പ്രമോദ്,ഐ.ബിന്ദു തുടങ്ങിയവർ സംസാരിച്ചു. ചടങ്ങിൽ സൂര്യ കൃഷ്ണമൂർത്തിയെയും പൂർവ അദ്ധ്യാപകരെയും ആദരിച്ചു.