തിരുവനന്തപുരം: വ്യക്തിഗത ഇനത്തിൽ ഗിന്നസ് റെക്കാഡ് നേടിയവരുടെ സംഘടനയായ ഓൾ ഗിന്നസ് റെക്കാഡ് ഹോൾഡേഴ്സിന്റെ (ആഗ്രഹ്) വാർഷിക സമ്മേളനം ആന്റണി രാജു എം.എൽ.എ ഉദ്ഘാടനം ചെയ്തു. ഹൈലാന്റ് ഹോട്ടലിൽ നടന്ന ചടങ്ങിൽ ചലച്ചിത്ര അക്കാഡമി ചെയർമാൻ പ്രേംകുമാർ മുഖ്യപ്രഭാഷണം നടത്തി. ആഗ്രഹ് പ്രസിഡന്റ്‌ സത്താർ ആദൂർ അദ്ധ്യക്ഷത വഹിച്ചു. മൈനോറിട്ടി കമ്മിഷൻ ചെയർമാൻ എ.എ. റഷീദ്, ചൈൽഡ് വെൽഫെയർ കമ്മിറ്റി അദ്ധ്യക്ഷ ഷാനിബ ബീഗം, മാദ്ധ്യമപ്രവർത്തകൻ ബാബു രാമചന്ദ്രൻ, സുനിൽ. സി.ഇ, ഏഷ്യൻ ഗെയിംസ് ഗോൾഡ് മെഡലിസ്റ്റ് ഷെർമി ഉലഹന്നാൻ, പനച്ചമൂട് ഷാജഹാൻ എന്നിവർ സംസാരിച്ചു. അർജുൻ പി. പ്രസാദ്, കമൽജിത്, ജുവാന, നവനീത് മുരളീധരൻ, ദിതി ജെ. നായർ, ഹൃഷിക് രാമനാഥൻ, ടിജോ വർഗീസ്, ജോസ്‌കുട്ടി എൽബിൻ എന്നിവർക്കുള്ള ഈ വർഷത്തെ ഗിന്നസ് റെക്കാഡ് സർട്ടിഫിക്കറ്റ് ആന്റണി രാജു, പ്രേംകുമാർ എന്നിവർ കൈമാറി.

ഭാരവാഹികളായി സത്താർ ആദൂർ (പ്രസിഡന്റ് ), സുനിൽ ജോസഫ് (സെക്രട്ടറി ), പ്രീജേഷ് കണ്ണൻ (ട്രഷറർ), അശ്വിൻ വാഴുവേലിൽ (ചീഫ് കോ ഓർഡിനേറ്റർ), വിജിത രതീഷ്, റെനീഷ് കുമാർ (ജോ. സെക്രട്ടറി ) തോമസ് ജോർജ്, ലത കളരിക്കൽ (വൈസ് പ്രസിഡന്റ്) എന്നിവരെ തിരഞ്ഞെടുത്തു.