ബാലരാമപുരം: പൊതുമേഖലാ സ്ഥാപനങ്ങൾ കോർപ്പറേറ്റ്കൾക്ക് വിറ്റ് തുലക്കുന്ന നയത്തിൽ നിന്ന് കേന്ദ്രസർക്കാർ പിന്തിരിയണമെന്ന് രാഷ്ട്രീയ യുവജനതാദൾ കോവളം നിയോജകമണ്ഡലം പ്രവർത്തക സമ്മേളനത്തിൽ പ്രമേയത്തിലൂടെ കേന്ദ്രസർക്കാരിനോടാവശ്യപ്പെട്ടു.ഡോ.എ നീലലോഹിതദാസ് ഉദ്ഘാടനം ചെയ്തു.ജില്ലാ പഞ്ചായത്തംഗം ഭഗത് റൂഫസ് അദ്ധ്യക്ഷത വഹിച്ചു.രാഷ്ട്രീയ യുവജനതാദൾ ജില്ലാ പ്രസിഡന്റ് ആദിൽ ഷാ,​പരശുവയ്ക്കൽ രാജേന്ദ്രൻ,​തെന്നൂർക്കോണം ബാബു,​അഡ്വ.ജി.മുരളീധരൻ,​വിഴിഞ്ഞം ജയകുമാർ,​എസ്.സുനിൽഖാൻ,​റൂഫസ് ഡാനിയേൽ,​എം.പ്രണവ്,​വട്ടവിള രാജൻ,​എസ്.എസ്.അരുൺ കുമാർ തുടങ്ങിയവർ സംസാരിച്ചു. യുവജനതാദൾ(എസ്)​ കോവളം നിയോജക മണ്ഡലം പ്രസിഡന്റായി ആർ.എസ്.വിപിൻ രാജിനെയും വൈസ് പ്രസിഡന്റായി ആർ.അനീഷ് കുമാറിനെയും ജനറൽ സെക്രട്ടറിയായി അലൺ ജോൺസിനെയും തിരഞ്ഞെടുത്തു.