വർക്കല: ജനാർദ്ദനസ്വാമി ക്ഷേത്രത്തിൽ നിന്നും പമ്പയിലേക്ക് കെ.എസ്.ആർ.ടി.സി ബസ് സർവ്വീസ് ആരംഭിച്ചു. സർവ്വീസിന്റെ ഫ്ലാഗ് ഓഫ് വർക്കല നഗരസഭ ചെയർമാൻ കെ.എം.ലാജി നിർവ്വഹിച്ചു. വൈകിട്ട് 7.15ന് ക്ഷേത്രനടയിൽ നിന്നും ആരംഭിച്ച് നാവായിക്കുളം ശങ്കരനാരായണസ്വാമി ക്ഷേത്രം,​ കൊട്ടാരക്കര വഴി രാത്രി 11.30ന് പമ്പയിലെത്തിച്ചേരും. വർക്കലയിൽ നിന്നും പമ്പയിലേക്ക് 297 രൂപയാണ് ടിക്കറ്റ് ചാർജ്ജ്. കെ.എസ്.ആർ.ടി.സിയുടെ വെബ് സൈറ്റിൽ ടിക്കറ്റ് മുൻകൂട്ടിയും ബുക്ക് ചെയ്യാം.