തിരുവനന്തപുരം: പ്രസ് ക്ലബിന്റെ നേതൃത്വത്തിൽ തലസ്ഥാനത്തെ മാദ്ധ്യമ പ്രവർത്തകർക്കും കുടുംബാംഗങ്ങൾക്കുമായി നടത്തിയ കായികദിനാഘോഷം സംസ്ഥാന വിവരാവകാശ കമ്മിഷണർ ഡോ. സോണിച്ചൻ പി. ജോസഫ് പതാക ഉയർത്തി ഉദ്ഘാടനം ചെയ്‌തു.

സെൻട്രൽ സ്റ്റേഡിയത്തിൽ 18 ഇനങ്ങളിലായി നടത്തിയ മത്സരങ്ങളിൽ നാനൂറോളം പേർ പങ്കെടുത്തു. പ്രസ് ക്ലബ് പ്രസിഡന്റ് പി.ആർ.പ്രവീണിന്റെ അദ്ധ്യക്ഷതയിൽ ചേർന്ന ചടങ്ങിൽ സെക്രട്ടറി എം.രാധാകൃഷ്ണൻ സ്വാഗതവും ട്രഷറർ വി.വിനീഷ് നന്ദിയും പറഞ്ഞു. ഭാരവാഹികളായ എച്ച്.ഹണി,സജിത് വഴയില,മിനീഷ് കുമാർ,വി.ശ്രീകാന്ത്,ജയമോഹൻ,സുബ്രഹ്മണി,ജോയി നായർ, ആദർശ് ബേബി,എസ്.ഒ.രഞ്ജിത് എന്നിവർ സംസാരിച്ചു.

സമാപന സമ്മേളനത്തിൽ കെ.യു.ഡബ്ലിയു.ജെ സംസ്ഥാന പ്രസിഡന്റ് കെ.പി.റെജി,കൊല്ലം പ്രസ് ക്ലബ് മുൻ സെക്രട്ടറി ജി.ബിജു, മാദ്ധ്യമ പ്രവർത്തകരായ കെ.പ്രഭാകരൻ,പി.ശ്രീകുമാർ,ആർ.ജയപ്രസാദ്,ജി.സജീവ്,അജി.എം.നൂഹു,എ.പി.ജിനൻ എന്നിവർ സമ്മാനദാനം നിർവഹിച്ചു.