വിഴിഞ്ഞം: വെള്ളായണിയിലെ പുഞ്ചക്കർഷകരുടെ പട്ടയഭൂമിക്ക് ന്യായവില നൽകി ഏറ്റെടുക്കണമെന്ന് ഭൂഉടമകളുടെ മേഖലായോഗം ആവശ്യപ്പെട്ടു.പാടശേഖര കമ്മിറ്റി മേഖല പ്രസിഡന്റ് വിവേകാനന്ദൻ അദ്ധ്യക്ഷത വഹിച്ചു.കല്ലിയൂർ ഗ്രാമപഞ്ചായത്ത് പ്രസിഡന്റ് സോമശേഖരൻ നായർ,വെങ്ങാനൂർ ഗ്രാമപഞ്ചായത്ത് പ്രസിഡന്റ് ആർ.എസ്.ശ്രീകുമാർ,പാടശേഖരസമിതി ഭാരവാഹികളായ ജനറൽ കൺവീനർ കോളിയൂർ ഗോപി,എൻജിനിയർ എ.ജെ.റോയ്,വിശ്വംഭരൻ, മഹേശ്വരൻ നായർ,മേഖലാ കൺവീനർ ശിവൻകുട്ടി നായർ,വിക്രമൻ നായർ തുടങ്ങിയവർ സംസാരിച്ചു.കഴിഞ്ഞ 34 വർഷമായി കൃഷി ചെയ്യാൻ കഴിയാതെ ദുരിതത്തിലായ കർഷകരുടെ പട്ടയഭൂമി ഏറ്റെടുക്കണമെന്ന് ആവശ്യപ്പെട്ട് മുഖ്യമന്ത്രിയെ നേരിൽ കണ്ട് നിവേദനം നൽകുമെന്ന് പാഠശേഖര കമ്മിറ്റി ഭാരവാഹികൾ പറഞ്ഞു.