തിരുവനന്തപുരം:സംസ്ഥാനത്ത് 1510 തദ്ദേശ വാർഡുകൾ പുതുതായി നിലവിൽ വരും. ഗ്രാമപഞ്ചായത്തുകളിൽ 1375 വാർഡുകളും, മുനിസിപ്പാലിറ്റികളിൽ 128 വാർഡുകളും, കോർപ്പറേഷനുകളിൽ ഏഴ് വാർഡുകളുമാണ് പുതുതായി രൂപീകരിക്കുന്നത്.

വാർഡുകൾ പുനർവിഭജിച്ചു കൊണ്ടുള്ള കരട് വിജ്ഞാപനം ഇന്നലെ പുറപ്പെടുവിച്ചു.

2011 ലെ സെൻസസ് അടിസ്ഥാനമാക്കി വാർഡുകളുടെ എണ്ണം പുതുക്കി നിശ്ചയിച്ചിരുന്നു. സ്ത്രീകൾക്കും പട്ടികജാതി, പട്ടികവർഗ്ഗവിഭാഗങ്ങൾക്കുമുള്ള സംവരണ വാർഡുകളുടെ എണ്ണവും പുതുക്കി നിശ്ചയിച്ചിട്ടുണ്ട്.

വാർഡുകൾ പുനർനിർണയിക്കുന്നതിന് ആദ്യമായാണ് ഡിജിറ്റൽ സാങ്കേതികവിദ്യ ഉപയോഗിച്ചത്. ഇതിനായി ഇൻഫർമേഷൻ കേരള മിഷൻ തയ്യാറാക്കിയ ക്യൂഫീൽഡ് ആപ്പാണ് ഉപയോഗിച്ചത്.

ജില്ലാകളക്ടർമാർ നൽകിയ കരട് നിർദ്ദേശങ്ങളാണ് ഡീലിമിറ്റേഷൻ കമ്മിഷൻ പ്രസിദ്ധീകരിക്കാൻ അനുമതി നൽകിയത്.

ഡീലിമിറ്റേഷൻ കമ്മിഷൻ ചെയർമാനായ സംസ്ഥാന തിരഞ്ഞെടുപ്പ് കമ്മിഷണർ എ. ഷാജഹാൻ അദ്ധ്യക്ഷത വഹിച്ച യോഗത്തിൽ കമ്മിഷൻ അംഗങ്ങളായ ഡോ.രത്തൻ.യു. ഖേൽക്കർ, കെ.ബിജു, എസ്. ഹരികിഷോർ, ഡീലിമിറ്റേഷൻ കമ്മിഷൻ സെക്രട്ടറി എസ്.ജോസ്നമോൾ എന്നിവർ പങ്കെടുത്തു.

ഡിസംബർ മൂന്നുവരെ

ആക്ഷേപം സമർപ്പിക്കാം

ഡിസംബർ മൂന്ന് വരെ ആക്ഷേപങ്ങളും അഭിപ്രായങ്ങളും സമർപ്പിക്കാം. ഡീലിമിറ്റേഷൻ കമ്മിഷൻ സെക്രട്ടറിക്കോ, ജില്ലാ കളക്ടർക്കോ നേരിട്ടോ രജിസ്റ്റേർഡ് തപാലിലോ ആക്ഷേപങ്ങൾ നൽകാം. ഏതെങ്കിലും രേഖകൾ ഹാജരാക്കാനുണ്ടെങ്കിൽ അവയുടെ സ്വയം സാക്ഷ്യപ്പെടുത്തിയ പകർപ്പുകളും നൽകണം.

വിലാസം : സംസ്ഥാന ഡീലിമിറ്റേഷൻ കമ്മിഷൻ, കോർപ്പറേഷൻ ബിൽഡിംഗ് നാലാം നില, വികാസ്ഭവൻ പിഒ, തിരുവനന്തപുരം 695033 ഫോൺ:04712335030.

മൊത്തം വാർഡുകൾ 20999

(തദ്ദേശസ്ഥാപനം, നിലവിലെ വാർഡുകൾ, പുതിയ വാർഡുകൾ, ആകെ വാർഡുകൾ എന്ന ക്രമത്തിൽ)

ഗ്രാമപഞ്ചായത്ത്............ 15962........ 1375........ 17337

മുനിസിപ്പാലിറ്റി................ 3113...........128..........3241

കോർപ്പറേഷൻ.................... 414...............7........... 421

ആകെ................................. 19489......... 1510...... 20999

ഉ​പ​തി​ര​ഞ്ഞെ​ടു​പ്പ് ​:​ ​വേ​ത​ന​ത്തോ​ടെ​ ​അ​വ​ധി

തി​രു​വ​ന​ന്ത​പു​രം​:​ ​പാ​ല​ക്കാ​ട് ​നി​യ​മ​സ​ഭാ​ ​മ​ണ്ഡ​ല​ത്തി​ലേ​ക്കു​ള്ള​ ​ഉ​പ​തി​ര​ഞ്ഞെ​ടു​പ്പി​നോ​ട​നു​ബ​ന്ധി​ച്ച് ​സ്വ​കാ​ര്യ​മേ​ഖ​ല​യി​ലെ​ ​ജീ​വ​ന​ക്കാ​ർ​ക്കും​ ​തൊ​ഴി​ലാ​ളി​ക​ൾ​ക്കും​ ​ന​വം​ബ​ർ​ 20​ന് ​എ​ല്ലാ​ ​തൊ​ഴി​ലു​ട​മ​ക​ളും​ ​വേ​ത​ന​ത്തോ​ടു​കൂ​ടി​യ​ ​അ​വ​ധി​ ​ഉ​റ​പ്പാ​ക്ക​ണ​മെ​ന്ന് ​ലേ​ബ​ർ​ ​ക​മ്മി​ഷ​ണ​ർ​ ​സ​ഫ്‌​നാ​ ​ന​സ​റു​ദ്ദീ​ൻ​ ​അ​റി​യി​ച്ചു.​ ​വാ​ണി​ജ്യ​ ​വ്യ​വ​സാ​യ​ ​വ്യാ​പാ​ര​ ​സ്ഥാ​പ​ന​ങ്ങ​ള​ട​ക്ക​മു​ള്ള​ ​എ​ല്ലാ​ ​സ്ഥാ​പ​ന​ങ്ങ​ളി​ലേ​യും​ ​ഐ.​ടി,​ ​തോ​ട്ടം​ ​മേ​ഖ​ല​ക​ളി​ലെ​യും​ ​വോ​ട്ട​വ​കാ​ശ​മു​ള്ള​ ​കാ​ഷ്വ​ൽ​/​ ​ദി​വ​സ​വേ​ത​ന​ക്കാ​ർ​ ​അ​ട​ക്ക​മു​ള്ള​ ​മു​ഴു​വ​ൻ​ ​ജീ​വ​ന​ക്കാ​ർ​ക്കും​ ​തൊ​ഴി​ലാ​ളി​ക​ൾ​ക്കും​ ​അ​വ​ധി​ ​ബാ​ധ​ക​മാ​യി​രി​ക്കും.​ ​സ്വ​ന്തം​ ​ജി​ല്ല​യ്ക്ക് ​പു​റ​ത്ത് ​ജോ​ലി​യി​ൽ​ ​ഏ​ർ​പ്പെ​ട്ടി​രി​ക്കു​ന്ന​ ​വോ​ട്ട​ർ​മാ​ർ​ക്ക് ​അ​വ​ര​വ​രു​ടെ​ ​പോ​ളിം​ഗ് ​സ്റ്റേ​ഷ​നി​ൽ​ ​വോ​ട്ട് ​രേ​ഖ​പ്പെ​ടു​ത്തു​ന്ന​തി​ന് ​വേ​ത​ന​ത്തോ​ടു​ ​കൂ​ടി​യ​ ​മ​തി​യാ​യ​ ​അ​വ​ധി​ ​തൊ​ഴി​ലു​ട​മ​ ​ഉ​റ​പ്പാ​ക്ക​ണ​മെ​ന്നും​ ​ക​മ്മി​ഷ​ണ​ർ​ ​അ​റി​യി​ച്ചു.