തിരുവനന്തപുരം:ബേക്കറി ഓവർബ്രിഡ്ജിന് പിന്നാലെ പാളയം (ഇ.എം.എസ് പാർക്ക് പാലം) ഓവർബ്രിഡ്ജും ദീപാലംകൃതമാക്കി. പാളയം ഓവർബ്രിഡ്ജിന് മുകളിൽ എൽ.ഇഡി സ്ട്രിപ്പ് വിളക്കുകൾ സ്ഥാപിച്ചു. ഉദ്ഘാടനം ബുധനാഴ്ച മന്ത്രി പി.എ.മുഹമ്മദ് റിയാസ് നിർവഹിക്കും.ദേശീയ പതാകയടക്കം പത്ത് തീമുകളോടെയാണ് ദീപാലങ്കാരം ഒരുക്കുന്നത്.

വിശേഷദിവസങ്ങളിൽ അതിനനുസരിച്ച് പാലത്തിൽ വർണവിളക്കുകൾ തെളിയും.ചാക്ക ഓവർബ്രിഡ്ജ് ദീപാലംകൃതമാക്കാനുള്ള പ്രവർത്തനം പുരോഗമിക്കുകയാണ്.പൊതുമരാമത്ത്,ടൂറിസം വകുപ്പുകൾ സ്‌മാർട്ട് സിറ്റിയുമായി സഹകരിച്ചാണ് പദ്ധതി.3.20 കോടി രൂപയാണ് പദ്ധതിയുടെ നിർമാണച്ചെലവ്.കേരള ഇലക്‌ട്രിക്കൽ ആൻഡ് അലൈഡ് എൻജിനിയറിംഗ് ലിമിറ്റഡിന്റെ (കെൽ) നേതൃത്വത്തിലാണ് വിളക്കുകൾ സ്ഥാപിക്കുന്നത്.പാലത്തിന്റെ തൂണുകളിൽ വർണചിത്രങ്ങളും ഒരുക്കും.വിവിധ സ്വകാര്യ സ്ഥാപനങ്ങളുടെ സി.എസ്.ആർ ഫണ്ട് ഉപയോ​ഗിച്ചാണ് ചിത്രങ്ങൾ വരയ്‌ക്കുക. പാലത്തോടു ചേർന്ന് സെൽഫി പോയിന്റും ഒരുക്കും.