ആറ്റിങ്ങൽ: കൊവിഡുകാലത്ത് വിതരണം ചെയ്ത ഭക്ഷ്യക്കിറ്റുകളുടെ കമ്മിഷൻ ലഭ്യമാക്കുക,റേഷൻ വ്യാപാരികൾക്ക് മാസംതോറും ലഭിക്കേണ്ട കമ്മിഷൻ അതത് മാസം ലഭ്യമാക്കുക,കേന്ദ്രം കേരളത്തിന് വെട്ടിക്കുറച്ച ഭക്ഷ്യധാന്യ വിഹിതം പുനഃസ്ഥാപിക്കുക തുടങ്ങിയ ആവശ്യങ്ങൾ ഉന്നയിച്ച് ചിറയിൻകീഴ് താലൂക്ക് റേഷൻ റീട്ടെയിൽ എംപ്ലോയീസ് സി.ഐ.ടി.യു താലൂക്ക് സിവിൽ സപ്ലൈ ഓഫീസിന് മുന്നിൽ സംഘടിപ്പിച്ച പ്രതിഷേധ ധർണ സി.പി.എം ജില്ലാ കമ്മിറ്റി അംഗവും സി.ഐ.ടി.യു സംസ്ഥാന കമ്മിറ്റിയംഗവുമായ ആർ.സുഭാഷ് ഉദ്ഘാടനം ചെയ്തു. റേഷൻ ഡീലേഴ്സ് സംസ്ഥാന സെക്രട്ടറി കാരേറ്റ് സുരേഷ്,താലൂക്ക് പ്രസിഡന്റ് ജി. വേണുഗോപാലൻ നായർ,താലൂക്ക് വൈസ് പ്രസിഡന്റ് വിജയകുമാർ,താലൂക്ക് സെക്രട്ടറി മുട്ടപ്പലം സുരേഷ് എന്നിവർ സംസാരിച്ചു.