പ്രണയ താര ജോഡികളായ തമന്ന ഭാട്ടിയയും വിജയ് വർമ്മയും അടുത്തവർഷം ആദ്യം വിവാഹിതരാകും. വിവാഹ തീയതി ഉടൻ പ്രഖ്യാപിക്കാനാണ് തീരുമാനം. രണ്ടുവർഷമായി ഡേറ്റിംഗിലായ ഇരുവരും പുതിയ വീട് തേടുകയാണ്.

മുംബയ് പാലി​ ഹി​ൽസി​ലാണ് തമന്നയും വി​ജയ് വർമ്മയും അപാർട്ട്മെന്റ് അന്വേഷി​ക്കുന്നത്.

ആന്തോളജി​ ചി​ത്രമായ ലസ്റ്റ് സ്റ്റോറീസ് 2 സെറ്റിൽവച്ചാണ് വിജയ് വർമ്മയുമായി കൂടുതൽ അടുത്തതെന്നും ജീവിതത്തിൽ തന്നെ ഒരുപാട് മനസിലാക്കിയ ആൾ മറ്റാരുമില്ലെന്നും തമന്ന വ്യക്തമാക്കിട്ടുണ്ട്.

കഴിഞ്ഞവർഷം ഗോവയിലെ പുതുവത്സരദിനാഘോഷത്തിനിടയിൽ പരസ്പരം ചുംബിക്കുന്ന ചിത്രങ്ങൾ സമൂഹമാധ്യമങ്ങളിൽ വൈറലായതിന് പിന്നാലെയാണ് തമന്ന - വിജയ് വർമ്മ പ്രണയ വാർത്ത ഗോസിപ്പ് കോളങ്ങളിൽ നിറയാൻ തുടങ്ങിയത്. ഈ പുതുവത്സര ദിനത്തിൽ വിവാഹം ഉണ്ടാകുമെന്ന് ആരാധകർ ഉറപ്പിക്കുന്നു. വിജയ് വർമ്മയുമായി ഡേറ്റിംഗിലാണെന്ന് തമ്മന്ന വെളിപ്പെടുത്തിയിട്ടുണ്ട്. എന്നാൽ വിവാഹത്തെക്കുറിച്ച് തമ്മന്നയോ വിജയ് വർമ്മയോ ഇതുവരെ പ്രതികരിച്ചിട്ടില്ല. ബിടൗൺ കാത്തിരിക്കുകയാണ് തമന്ന - വിജയ് വർമ്മ വിവാഹത്തിന്.