തിരുവനന്തപുരം: സംസ്ഥാനത്തെ ഐ.ടി.ഐകൾക്ക് ഇനി ശനിയാഴ്ചയും അവധി. പെൺകുട്ടികൾക്ക് മാസത്തിൽ രണ്ടു ദിവസം ആർത്തവ അവധിയും അനുവദിച്ചു. തിരുവനന്തപുരം ചാല ഗവ.ഹൈസ്‌കൂളിൽ തുടങ്ങുന്ന ഐ.ടി.ഐയുടെ ഉദ്ഘാടനം നിർവഹിക്കവേ മന്ത്രി വി.ശിവൻകുട്ടിയാണ് ഇക്കാര്യമറിയിച്ചത്.

ശനിയാഴ്ച അവധിയാക്കുമ്പോൾ പരിശീലന സമയം നഷ്ടപ്പെടുന്നത് ഒഴിവാക്കാൻ ഷിഫ്റ്റുകൾ ഏർപ്പെടുത്തും. ആദ്യ ഷിഫ്റ്റ് രാവിലെ ഏഴുമുതൽ വൈകിട്ട് മൂന്നുവരെ. രണ്ടാം ഷിഫ്റ്റ് രാവിലെ 10 മുതൽ വൈകിട്ട് 5.30 വരെ. കാലഹരണപ്പെട്ട ഐ.ടി.ഐ കോഴ്സുകൾ നിറുത്തലാക്കുമെന്നും മന്ത്രി പറഞ്ഞു.