വെഞ്ഞാറമൂട്:നെഹ്റു യൂത്ത് സെന്റർ ആൻഡ് ദൃശ്യ ഫൈൻ ആർട്സ് സൊസൈറ്റി സംയുക്തമായി സംഘടിപ്പിക്കുന്ന അഡ്വ.വെഞ്ഞാറമൂട് രാമചന്ദ്രൻ സ്മാരക 16-ാമത് സംസ്ഥാന പ്രൊഫഷണൽ നാടക മത്സരത്തിന് ഇന്ന് തിരശീല ഉയരും .ഡിസംബർ 8 വരെ മാണിക്കോട് ക്ഷേത്രത്തിന് സമീപമുള്ള മേള ഗ്രൗണ്ടിൽ നടക്കുന്ന നാടക മത്സര ഉദ്ഘാടനം ഇന്ന് വൈകിട്ട് 5.30ന് മുൻ മന്ത്രി തോമസ് ഐസക്ക് നിർവഹിക്കും.യോഗത്തിൽ രാമചന്ദ്രൻ സ്മാരക പ്രതിഭാ പുരസ്കാരം പയ്യന്നൂർ മുരളിക്ക് സമ്മാനിക്കും. ഗോകുലം ഗോപാലൻ മുഖ്യാതിഥിയാകും.ഡി.കെ.മുരളി എം.എൽ.എ അദ്ധ്യക്ഷനാകും. 7.30ന് മത്സര നാടകം സ്വന്തം നാമധേയത്തിൽ.ഡിസംബർ 1 മുതൽ 6 വരെ നടക്കുന്ന സെമിനാറുകളിൽ സുമേഷ് കൃഷ്ണൻ , ഇന്ദുഗോപൻ,ബൈജു ചന്ദ്രൻ,വി. ഷിനിലാൽ,സന്ധ്യ രാജേന്ദ്രൻ ,വിജയകൃഷ്ണൻ എന്നിവർ മുഖ്യപ്രഭാഷണം നടത്തും.8ന് വൈകിട്ട് 5.30ന് നടക്കുന്ന സമാപന സമ്മേളനവും അവാർഡ് വിതരണവും മന്ത്രി വി.ശിവൻകുട്ടി ഉദ്ഘാടനം ചെയ്യും.ഡി.കെ.മുരളി എം.എൽ.എ അദ്ധ്യക്ഷനാകും.സുരാജ് വെഞ്ഞാറമൂടിന്റെ നേതൃത്വത്തിൽ മെഗാഷോയും നടക്കും .