കായംകുളം: എസ്.എൻ.ഡി.പി യോഗം കായംകുളം യൂണിയൻ 318- ാം നമ്പർ കണ്ണമ്പള്ളിഭാഗം ശാഖാഗുരുക്ഷേത്രത്തിൽ നവീകരിച്ച ഗുരുദേവ വിഗ്രഹ പുനപ്രതിഷ്ഠയും ദ്വിദിന ഗുരുദേവ ദർശന ജ്ഞാന യജ്ഞവും 9,10 തീയതികളിൽ നടക്കും.

9 ന് രാവിലെ മൃത്യുഞ്ജയഹോമം,ഉച്ചയ്ക്ക് അന്നദാനം,വൈകിട്ട് പ്രഭാഷണം,രാത്രി തിരുവാതിര.10 ന് രാവിലെ ഗണപതി ഹവനം,രാവിലെ10.30 ന് ശിവഗിരി മഠം സ്വാമി ശിവനാരായണ തീർത്ഥ പുനപ്രതിഷ്ഠ നിർവ്വഹിക്കും. തുടർന്ന് അനുഗ്രഹ പ്രഭാഷണം,അന്നദാനം,വൈകിട്ട് പ്രഭാഷണം എന്നിവ നടക്കും. വൈകിട്ട് 4.30 ന് നടക്കുന്ന പൊതുസമ്മേളനം കായംകുളം യൂണിയൻ സെക്രട്ടറി പി.പ്രദീപ് ലാൽ ഉദ്ഘാടനം ചെയ്യും. യൂണിയൻ പ്രസിഡന്റ് വി.ചന്ദ്രദാസ് മുഖ്യപ്രഭാഷണം നടത്തും.ശാഖായോഗം പ്രസിഡന്റ് എസ്.കൃഷ്ണകുമാർ അദ്ധ്യക്ഷത വഹിക്കും.ദേവസ്വം ബോർഡ് അംഗം അഡ്വ.എ.അജികുമാർ മുഖ്യാതിഥിയാകും. ശാഖാ സെക്രട്ടറി ബാബു വൈഷ്ണവം സ്വാഗതവും വൈസ് പ്രസിഡന്റ് കെ.ഉദയഭാനു നന്ദിയും പറയും.രാത്രി നാടൻപാട്ട്.