ആലപ്പുഴ: മുല്ലക്കൽ-കിടങ്ങാംപറമ്പ് ചിറപ്പ് മഹോത്സവവുമായി ബന്ധപ്പെട്ട് നഗരസഭയ്‌ക്കെതിരെ സമൂഹ മാധ്യമങ്ങളിൽ വ്യാജപ്രചരണം നടത്തുന്നവർക്കെതിരെ കർശനമായ നിയമ നടപടി ആവശ്യപ്പെട്ട് നഗരസഭാദ്ധ്യക്ഷ കെ.കെ.ജയമ്മ ജില്ലാ പൊലീസ് മേധാവിയ്ക്ക് പരാതി നൽകി. ചിറപ്പുമായി ബന്ധപ്പെട്ട് ഒരു തർക്കവും നഗരസഭയ്ക്ക് ആരുമായും ഇല്ലെന്നും നഗരത്തിലെ എല്ലാ സ്ഥാപനങ്ങളുമായും നല്ല ബന്ധം മാത്രമാണുള്ളതെന്നും കെ.കെ.ജയമ്മ പറഞ്ഞു.