ആലപ്പുഴ: പുന്നപ്ര ഗവ ജെ.ബി.എൽ.പി സ്‌കൂളിൽ 33 എൽ.കെ.ജി, യു.കെ.ജി വിദ്യാർഥികൾക്ക് മുണ്ടിനീര് ബാധിച്ചതിനാൽ സ്‌കൂളിന് ഇന്ന് മുതൽ 21 ദിവസത്തേയ്ക്ക് അവധി നൽകി ജില്ലാ കളക്ടർ ഉത്തരവിട്ടു. കൂടുതൽ വിദ്യാത്ഥികൾക്ക് രോഗം ബാധിക്കുവാനുള്ള സാധ്യത കണക്കിലെടുത്താണ് നടപടി. വിദ്യാലയങ്ങളിൽ മുണ്ടിനീര് പടർന്നു പിടിക്കാതിരിക്കുന്നതിനുള്ള മുൻകരുതൽ നടപടികൾ ആരോഗ്യ, തദ്ദേശ സ്വയംഭരണ വകുപ്പുകൾ നടത്തണമെന്നും ഉത്തരവിൽ നിർദ്ദേശിച്ചു.