ആലപ്പുഴ: സ്റ്റേറ്റ് വാട്ടർ ട്രാൻസ്‌പോർട്ട് ഡിപ്പാർട്ട്‌മെന്റ് എംപ്ലോയീസ് ഫെഡറേഷൻ പതിനെട്ടാമത് സംസ്ഥാന സമ്മേളനം 17ന് ആലപ്പുഴയിൽ നടക്കും. രാവിലെ 10ന് ജെൻഡർ പാർക്ക് ഓഡിറ്റോറിയത്തിൽ മന്ത്രി പി.പ്രസാദ് പ്രതിനിധി സമ്മേളനം ഉദ്ഘാടനം ചെയ്യും. ഫെഡറേഷൻ സംസ്ഥാന പ്രസിഡന്റ് എ.ടി മുജീബ് അദ്ധ്യക്ഷത വഹിക്കും. സി.കെ.ആശ എം.എൽ.എ, ജോയിന്റ് കൗൺസിൽ സംസ്ഥാന ജനറൽ സെക്രട്ടറി ജയചന്ദ്രൻ കല്ലിംഗിൽ എന്നിവർ മുഖ്യപ്രഭാഷണം നടത്തും. സംസ്ഥാന ജനറൽ സെക്രട്ടറി ടി.എസ്.സുരേഷ് ബാബു പ്രവർത്തന റിപ്പോർട്ട് അവതരിപ്പിക്കും. ഉച്ചയ്ക് സിവിൽ സർവീസും സമകാലിക പ്രശ്‌നങ്ങളും എന്ന വിഷയത്തിൽ ജോയിന്റ് കൗൺസിൽ ചെയർമാൻ കെ.പി.ഗോപകുമാർ പ്രഭാഷണം നടത്തും.