ആലപ്പുഴ: താലൂക്ക് ആസ്ഥാനങ്ങളിൽ മന്ത്രിമാരുടെ നേതൃത്വത്തിൽ സംഘടിപ്പിക്കുന്ന കരുതലും കൈത്താങ്ങും പരാതി പരിഹാര അദാലത്തുകളിലേക്കുള്ള അപേക്ഷകൾ സ്വീകരിച്ചു തുടങ്ങി. അക്ഷയകേന്ദ്രം, താലൂക്ക് ഓഫീസുകൾ എന്നിവ വഴിയോ karuthal.kerala.gov എന്ന പോർട്ടൽ മുഖേനയോ 23 വരെ സമർപ്പിക്കാം അപേക്ഷകൾ സമർപ്പിക്കാം. ജില്ലയിൽ ജനുവരി മൂന്നു മുതൽ 13 വരെയാണ് പരാതി പരിഹാര അദാലത്തുകൾ നടക്കുന്നത്. ജനുവരി മൂന്നിന് ചേർത്തല താലൂക്ക്, നാലിന് അമ്പലപ്പുഴ താലൂക്ക്, ആറിന് കുട്ടനാട് താലൂക്ക്, ഏഴിന് കാർത്തികപ്പള്ളി താലൂക്ക്, ഒൻപതിന് മാവേലിക്കര താലൂക്ക്, പതിമൂന്നിന് ചെങ്ങന്നൂർ താലൂക്ക് എന്നിങ്ങനെയാണ് അദാലത്ത് തീയതികൾ.