ഹരിപ്പാട്: നങ്ങ്യാർകുളങ്ങര എസ്. എൻ ട്രസ്റ്റ്സ് സെൻട്രൽ സ്കൂളിന്റെ 25-ാം വാർഷികം ഇന്ന് രാവിലെ 10ന് മുൻ ഡി.ജി.പി അലക്സാണ്ടർ ജേക്കബ് ഉദ്ഘാടനം ചെയ്യും. എസ്.എൻ ട്രസ്റ്റ് എക്സിക്യൂട്ടീവ് കമ്മിറ്റി അംഗം കെ. അശോകപ്പണിക്കർ അദ്ധ്യയക്ഷനാകും. ഹരിപ്പാട് മുൻസിപ്പൽ ചെയർമാൻ കെ .കെ രാമകൃഷ്ണൻ ഉന്നത വിജയം നേടിയ വിദ്യാർത്ഥികളെ ആദരിക്കും. എസ് എൻ ട്രസ്റ്റ് ഡയറക്ടർ എസ്. സലിംകുമാർ മുഖ്യപ്രഭാഷണം നടത്തും. നങ്ങ്യാർകുളങ്ങര ടി.കെ.എം.എം കോളേജ് പ്രിൻസിപ്പൽ ഡോ. രാജിവ് .എസ്.ആർ, പൂർവ്വ വിദ്യാർത്ഥി സുബിൻ.എസ്, പി .ടി .എ പ്രസിഡന്റ് എസ് .സുഷീർ, അധ്യാപക പ്രതിനിധി കെ .എസ് . കാവേരി എന്നിവർ സംസാരിക്കും. സ്കൂൾ പ്രിൻസിപ്പൽ എ.അമ്പിളി വാർഷിക റിപ്പോർട്ട് അവതരിപ്പിക്കും. സ്കൂൾ ഹെഡ് ഗേൾ അപർണ എസ്. നായർ സ്വാഗതവും ഹെഡ് ബോയ് ആദിത്യൻ.ബി നന്ദിയും പറയും .