അമ്പലപ്പുഴ: ആറാം ക്ലാസ് വിദ്യാർത്ഥിയെ യുവാക്കൾ സംഘം ചേർന്ന് എന്തോ ദ്രാവകം മണപ്പിച്ചതായി പരാതി. ആലപ്പുഴ സ്റ്റേഡിയം വാർഡ് സ്വദേശി​യായ 12കാരൻ വൈകുന്നേരത്തോടെ ബീച്ചിനടുത്തെ കളി സ്ഥലത്ത് നിന്നും വീട്ടിലേക്ക് മടങ്ങുമ്പോൾ കൂട്ടം കൂടി നിന്ന 5യുവാക്കൾ പിന്തുടർന്ന് ബലം പ്രയോഗിച്ച് ഒരു കുപ്പിയിൽ ഉണ്ടായിരുന്ന ദ്രാവകം മണപ്പിച്ചതായാണ് പിതാവ് സൗത്ത് പൊലീസ് സ്റ്റേഷനിൽ നൽകി​യ പരാതിയി​ലുള്ളത്. കുട്ടിക്ക് ശാരീരിക അസ്വസ്ഥതകൾ ഉണ്ടായതിനെ തുടർന്ന് ആദ്യം കടപ്പുറം വനി​താ ശി​ശു ആശുപത്രിയിലും പിന്നീട് ആലപ്പുഴ മെഡിക്കൽ കോളേജ് ആശുപത്രിയിലും പ്രവേശിപ്പിച്ചു. ഐ.സിയു വിൽ ചികിത്സയിലാണ്.