ആലപ്പുഴ: പതിനാറുകാരനുമായി നാടുവിടുകയും പലസ്ഥലങ്ങളിൽ താമസിപ്പിച്ച് ലൈംഗിക പീഡനത്തിനിരയാക്കുകയും ചെയ്ത 19കാരി അറസ്റ്റിൽ. കൊല്ലം ചവറ ശങ്കരമംഗലം സ്വദേശിയായ യുവതിയെയാണ് വള്ളികുന്നം സി.ഐ. ടി.ബിനുകുമാറിന്റെ നേതൃത്വത്തിലുള്ള സംഘം അറസ്​റ്റ് ചെയ്തത്.

ഭരണിക്കാവ് ഇലിപ്പക്കുളം മങ്ങാരത്ത് വാടകയ്ക്ക് താമസിക്കുന്ന 16കാരനെയാണ് കഴിഞ്ഞ ഒന്നാംതീയതി യുവതി വീട്ടിൽനിന്നു കൂട്ടികൊണ്ടു പോയത്. പല സ്ഥലങ്ങളിലായി താമസിപ്പിച്ച് പീഡിപ്പിച്ചെന്ന് 16കാരൻ പൊലീസിന് മൊഴി നൽകി. യുവതി നേരത്തേ മ​റ്റൊരു യുവാവുമായി പ്രണയത്തിലായിരുന്നു. ഇതറിഞ്ഞ വീട്ടുകാർ യുവതിയെ ബന്ധു കൂടിയായ 16കാരന്റെ വീട്ടിൽ താമസിപ്പിച്ചു. ഇതിനിടെയാണ് 16കാരനുമായി യുവതി വീടുവിട്ടു പോയത്.

ആൺകുട്ടിയുടെ മാതാവ് വള്ളികുന്നം പൊലീസിൽ പരാതി നൽകിയതിനെത്തുടർന്ന് നടത്തിയ അന്വേഷണത്തിൽ കഴിഞ്ഞദിവസം പത്തനംതിട്ട ബസ് സ്​റ്റാൻഡിൽനിന്ന് ഇരുവരെയും പിടികൂടുകയായിരുന്നു. മൈസൂർ, പാലക്കാട്, പഴനി, മലപ്പുറം തുടങ്ങി നിരവധി സ്ഥലങ്ങളിൽ ഇവർ താമസിച്ചതായി പൊലീസ് പറഞ്ഞു. കോടതിയിൽ ഹാജരാക്കിയ 19കാരിയെ റിമാൻഡ് ചെയ്തു.