ചേർത്തല: ഉഴുവ സർവീസ് സഹകരണ ബാങ്കിന്റെ 32ാമത് വാർഷിക പൊതുയോഗം ഉഴുവ പുതിയകാവ് പാഞ്ചജന്യം ഓഡറ്റോറിയത്തിൽ നടത്തി.
ബാങ്ക് പ്രസിഡന്റ് കെ.ആർ.രാജേന്ദ്രപ്രസാദിന്റെ അദ്ധ്യക്ഷതയിൽ കൂടിയ യോഗം 2023–24 വർഷത്തെ വരവ്, ​ചെലവ് കണക്കുകളും,2025–26 വർഷത്തെ ബഡ്ജറ്റും പാസാക്കി. എസ്.എസ്.എൽ.സി, പ്ലസ്ടു പരീക്ഷകളിൽ ഉന്നത വിജയം കരസ്ഥമാക്കിയ കുട്ടികൾക്ക് കാഷ് അവാർഡും വിവിധ മേഖലകളിൽ സ്തുത്യർഹമായ സേവനം കാഴ്ചവച്ചവർക്ക് ഉപഹാര സമർപ്പണവും നടത്തി. ബാങ്ക് വൈസ് പ്രസിഡന്റ് എസ്.അജിതകുമാരി,ഭരണസമിതി അംഗങ്ങളായ എസ്.ശിവൻകുട്ടി,ദിലീപ് അമ്പാടി,കെ.ജെ.കുര്യൻ,വി.എൻ. ബാലചന്ദ്രൻ,സുനിൽകുമാർ,പി.വി.മോഹനൻ,പ്രസന്നകുമാരി,ശോഭന വിജയൻ,ലളിതാ രാമനാഥൻ,ബാങ്ക് സെക്രട്ടറി എസ്.ആർ.രമ്യാദേവി,അസിസ്റ്റന്റ് സെക്രട്ടറി എം.വി.ജോമോൻ,ടി.ടോമി,അരുൺരാജ് എന്നിവർ സംസാരിച്ചു.