ന്യൂഡൽഹി: ഒരു രാജ്യം ഒരു തിരഞ്ഞെടുപ്പ് 2029ൽ നടപ്പാക്കാനുള്ള ബിൽ പാർലമെന്റിന്റെ നടപ്പു സമ്മേളനത്തിൽ അവതരിപ്പിക്കാൻ കേന്ദ്രസർക്കാർ തയ്യാറെടുക്കുന്നതായി സൂചന. ബില്ലിന് കേന്ദ്ര മന്ത്രിസഭായോഗം നേരത്തെ അംഗീകാരം നൽകിയിരുന്നു. ലോക്‌സഭാ, നിയമസഭാ, തദ്ദേശ തിരഞ്ഞെടുപ്പുകൾ ഒരുമിച്ചാക്കി ചെലവ് കുറയ്‌‌ക്കാൻ ലക്ഷ്യമിടുന്ന ബിൽ പാസാക്കാൻ ഭരണഘടനാഭേദഗതി വേണ്ടിവരും.

പാർലമെന്റ് ബിസിനസ് ഉപദേശക സമിതി അംഗീകരിച്ച ബില്ലുകളുടെ കൂട്ടത്തിൽ ഇല്ലെങ്കിലും സപ്ളിമെന്ററിയായി കൊണ്ടുവരാനാണ് നീക്കം. നവംബർ 24ന് തുടങ്ങിയ സമ്മേളനം ഡിംസംബർ 20 വരെയാണ് നടക്കേണ്ടത്. എന്നാൽ രാജ്യസഭയിൽ സിവിൽ വ്യോമയാന മേഖലയുമായും ലോക്‌സഭയിൽ ബാങ്കിംഗ് നിയമ (ഭേദഗതി) ബില്ലും മാത്രമാണ് പാസാക്കാൻ കഴിഞ്ഞത്.

പാസാക്കൽ എളുപ്പമല്ല

സർക്കാരിന് കേ​വ​ല​ ​ഭൂ​രി​പ​ക്ഷം​ ​മാ​ത്ര​മു​ള്ള​തി​നാ​ൽ​ ​പാ​സാ​ക്കു​ക​ ​എ​ളു​പ്പ​മ​ല്ല.​ ​അ​ഞ്ച് ​ഭ​ര​ണ​ഘ​ട​നാ​ ​വ​കു​പ്പു​ക​ളി​ൽ​ ​ഭേ​ദ​ഗ​തി​ ​വേ​ണം.​ ​ഇ​രു​ ​സ​ഭ​ക​ളി​ലും​ ​മൂ​ന്നി​ൽ​ ​ര​ണ്ടു​ ​ഭൂ​രി​പ​ക്ഷ​ത്തി​ൽ​ ​പാ​സാ​ക്ക​ണം.​ ​മൂ​ന്നി​ൽ​ ​ര​ണ്ട് ​നി​യ​മ​സ​ഭ​ക​ളും​ ​അം​ഗീ​ക​രി​ക്ക​ണം.​ ​ ​നി​യ​മ​സ​ഭ​ക​ളു​ടെ​യും​ ​ത​ദ്ദേ​ശ​ ​സ്ഥാ​പ​ന​ങ്ങ​ളു​ടെ​യും​ ​കാ​ലാ​വ​ധി​ ​ഉ​ൾ​പ്പെ​ടു​ന്ന​തി​നാ​ലാ​ണ് ​നി​യ​മ​സ​ഭ​ക​ളു​ടെ​ ​അം​ഗീ​കാ​രം​ ​വേ​ണ്ടി​വ​രു​ന്ന​ത്. നീക്കം അം​ഗീ​ക​രി​ക്കി​ല്ലെ​ന്ന് ​കോ​ൺ​ഗ്ര​സ്,​ ​തൃ​ണ​മൂ​ൽ​ ​കോ​ൺ​ഗ്ര​സ്,​ ​ആം​ആ​ദ്‌​മി​ ​പാ​ർ​ട്ടി,​ ​ഇ​ട​തു​ ​ക​ക്ഷി​ക​ൾ​ ​അ​ട​ക്കം വ്യ​ക്ത​മാ​ക്കിയിട്ടുണ്ട്.​