ന്യൂഡൽഹി: ആം ആദ്‌മി പാർട്ടി സഖ്യ നീക്കം ഇല്ലെന്ന് വ്യക്തമാക്കിയതിന് പിന്നാലെ കോൺഗ്രസ് ഡൽഹി നിയമസഭാ തിരഞ്ഞെടുപ്പിനുള്ള 21പേരുടെ ആദ്യ സ്ഥാനാർത്ഥി പട്ടിക പ്രഖ്യാപിച്ചു. കോൺഗ്രസ് അദ്ധ്യക്ഷൻ മല്ലികാർജ്ജുൻ ഖാർഗെ, രാഹുൽ ഗാന്ധി തുടങ്ങിയവർ അടങ്ങിയ തിരഞ്ഞെടുപ്പ് സമിതി ഇന്നലെ പട്ടികയ്‌ക്ക് അംഗീകാരം നൽകിയിരുന്നു. തിരഞ്ഞെടുപ്പ് തിയതി തിരഞ്ഞെടുപ്പ് കമ്മിഷൻ ഉടൻ പ്രഖ്യാപിച്ചേക്കും.
ഡൽഹി മുൻ മുഖ്യമന്ത്രി അന്തരിച്ച ഷീലാദീക്ഷിതിന്റെ മകൻ സന്ദീപ് ദീക്ഷിത്(ന്യൂഡൽഹി)

പി.സി.സി അദ്ധ്യക്ഷൻ ദേവേന്ദ്ര യാദവ്(ബദ്‌ലി), മുൻ മന്ത്രി ഹാറൂൺ യൂസഫ്(ബല്ലിമാരൻ), ചൗധരി അനിൽ കുമാർ(പട്‌പർഗഞ്ച്), രണ്ട് ദിവസം മുമ്പ് ആംആദ്‌മി പാർട്ടി വിട്ടു വന്ന എം.എൽ.എ അബ്ദുൾ റഹ്മാൻ(സീലംപൂർ) തുടങ്ങിയവർ പട്ടികയിലുണ്ട്.