പെരുമ്പാവൂർ: ദേവദത്ത് ഷാജി സംവിധായകനാകുന്ന ധീരൻ എന്ന ചിത്രത്തിന്റെ ഒന്നാംഘട്ട ചിത്രീകരണം പെരുമ്പാവൂരിലും പരിസര പ്രദേശങ്ങളിലുമായി പൂർത്തിയായി. രണ്ടാംഘട്ട ചിത്രീകരണം ഡിസംബർ ആദ്യവാരം കൃഷ്ണഗിരിയിൽ ആരംഭിക്കും. ചീയേഴ്‌സ് എന്റർടൈൻമെന്റ്സിന്റെ ബാനറിൽ ലക്ഷ്മി വാര്യരും ഗണേഷ് മേനോനും ചേർന്ന് നിർമ്മിയ്ക്കുന്ന ചിത്രത്തിൽ രാജേഷ് മാധവൻ, ജഗദീഷ്, മനോജ്‌ കെ. ജയൻ, ശബരീഷ് വർമ്മ, അശോകൻ, വിനീത്, സുധീഷ്, അഭിരാം രാധാകൃഷ്ണൻ എന്നിവരാണ് താരങ്ങൾ. ലോഹിതദാസിന്റെ മകൻ ഹരികൃഷ്ണനാണ് ഛായാഗ്രഹണം.