കൊച്ചി: എല്ലുകളുടെ ഒടിവിന്റെ ചികിത്സയും ശസ്ത്രക്രിയാരീതികളും പഠനവിഷയമാക്കി അമൃത ആശുപത്രിയിലെ ഓർത്തോപീഡിക്‌സ് വിഭാഗവും കൊച്ചിൻ ഓർത്തോപീഡിക് സൊസൈറ്റിയും ചേർന്ന് 'അമൃത ഫ്രാക്ചർ കോഴ്‌സ് 2024' ദ്വിദിന ശില്പശാല സംഘടിപ്പിച്ചു.
എഴുപത്തഞ്ചോളം ഡോക്ടർമാർ പരിശീലനം നേടി. അമൃത ആശുപത്രി സീനിയർ മെഡിക്കൽ അഡ്മിനിസ്‌ട്രേറ്റർ ഡോ. പ്രതാപൻ നായർ ഉദ്ഘാടനം ചെയ്തു. ഓർഗനൈസിംഗ് ചെയർമാൻ ഡോ. കെ.കെ. ചന്ദ്രബാബു, ഡോ. ജയ തിലക്, ഡോ. എസ്. ധ്രുവൻ, ഡോ.ബാലു സി.ബാബു, ഡോ. വിപിൻ മോഹൻ എന്നിവർ പ്രഭാഷണം നടത്തി. ഡോ. കെ.കെ. ചന്ദ്രബാബു,ഡോ. ടി.സി രഞ്ജിത്ത് , പ്രൊഫ. കെ.പ്രേമചന്ദ്രൻ, തുടങ്ങിയവർ നേതൃത്വം നൽകി.