ആലുവ: ട്രെയിനിലും ബസ് സ്റ്റാൻഡിലും തിരക്കുണ്ടാക്കി യാത്രക്കാരുടെ മൊബൈൽഫോൺ മോഷ്ടിക്കുന്ന കണ്ണൂർ വളപട്ടണം സെയ്ബു മൻസിലിൽ മുഹമ്മദ് ഷഹീറിനെ (35) ആലുവ പൊലീസ് അറസ്റ്റുചെയ്തു. ഒക്ടോബറിൽ കാക്കനാട് ജയിലിൽനിന്ന് പുറത്തിറങ്ങി വീണ്ടും മോഷണത്തിന് തയ്യാറെടുക്കുമ്പോഴാണ് പിടിയിലായത്. മോഷ്ടിച്ച മൊബൈലുകൾ കണ്ടെടുത്തു. വിവിധ ജില്ലകളിലായി നിരവധി മോഷണക്കേസിലെ പ്രതിയാണ്.