വൈപ്പിൻ: നിരന്തര കുറ്റവാളിയായ ഞാറക്കൽ വൈപ്പിത്തറ രജീഷ് (20)നെ കാപ്പ ചുമത്തി ആറ് മാസത്തേക്ക് നാടുകടത്തി. റൂറൽ പൊലീസ് മേധാവി ഡോ. വൈഭവ് സക്‌സേനയുടെ റിപ്പോർട്ടിന്റെ അടിസ്ഥാനത്തിൽ എറണാകുളം റേഞ്ച് ഡി.ഐ.ജി തോംസൺ ജോസ് ജോബ് ആണ് ഉത്തരവിട്ടത്. കഴിഞ്ഞ 2 വർഷത്തിനുള്ളിൽ ഞാറക്കൽ പൊലീസ് സ്റ്റേഷൻ പരിധിയിൽ അതിക്രമിച്ചു കടക്കൽ, സ്ത്രീകൾക്കും കുട്ടികൾക്കുമെതിരായ കുറ്റകൃത്യങ്ങൾ തുടങ്ങി നിരവധി കേസുകളിൽ പ്രതിയാണ്. ഞാറക്കൽ പൊലീസ് ജൂൺ മാസത്തിൽ രജിസ്റ്റർ ചെയ്ത 3 കേസുകളിൽ പ്രതിയായതിനെ തുടർന്നാണ് നടപടി.