മൂവാറ്റുപുഴ: തിരുവനന്തപുരത്ത് നടക്കുന്ന അന്താരാഷ്ട്ര ചലച്ചിത്രമേളയുടെ പ്രചരണാർത്ഥം കാസർഗോഡ് നിന്ന് തിരുവനന്തപുരം വരെ പര്യടനം നടത്തുന്ന വിളംബര ജാഥയ്ക്ക് റിയൽ വ്യൂ ക്രിയേഷൻസിന്റെ ആഭിമുഖ്യത്തിൽ തൃക്കളത്തൂരിൽ സ്വീകരണം നൽകി. സുധൻ സാർ സ്മാരകത്തിൽ നടന്ന സ്വീകരണ യോഗത്തിൽ ചലച്ചിത്ര അക്കാഡമി അംഗം എൻ. അരുൺ ഉദ്ഘാടനം ചെയ്തു. റിയൽ വ്യൂ ക്രിയേഷൻസ് സെക്രട്ടറി രതീഷ് അദ്ധ്യക്ഷനായി. ജാഥ ക്യാപ്ടൻ പ്രകാശ് ശ്രീധർ, പ്രശാന്ത് തൃക്കളത്തൂർ, കെ.എസ്. ദിനേശ്, സനു വേണുഗോപാൽ, ജിനേഷ് ഗംഗാധരൻ, ബേസിൽ ജോൺ, അൻഷാജ് തേനാലി, കെ.ജെ. മാർട്ടിൻ, ബിബിൻരാജ് തുടങ്ങിയവർ പ്രസംഗിച്ചു.