കൂത്താട്ടുകുളം: സി.പി.എം കൂത്താട്ടുകുളം ഏരിയ സമ്മേളനത്തിന് സമാപനമായി. ടി.ബി ജംഗ്ഷനിൽ നിന്ന് ബാൻഡ് മേളത്തിന്റെ അകമ്പടിയോടെ ആരംഭിച്ച ചുവപ്പുസേനാ പരേഡിലും ബഹുജന റാലിയിലും ഏരിയയിലെ 10 ലോക്കൽ കമ്മിറ്റിയിൽ നിന്നുള്ള നേതാക്കളും പ്രവർത്തകരും അനുഭാവികളും അണിനിരന്നു. എം.എം. ലോറൻസ് നഗരിയിൽ (സ്വകാര്യ ബസ് സ്റ്റാൻഡ്) സംസ്ഥാന കമ്മിറ്റി അംഗം എസ്. സതീഷ് ചുവപ്പുസേനയുടെ സല്യൂട്ട് സ്വീകരിച്ചു. പൊതു സമ്മേളനം സംസ്ഥാന സമിതി അംഗം ഗോപി കോട്ടമുറിക്കൽ ഉദ്ഘാടനം ചെയ്തു. ഏരിയാ
സെക്രട്ടറി പി.ബി. രതീഷ് അദ്ധ്യക്ഷനായി. എം.ജെ. ജേക്കബ്, ഏരിയ കമ്മിറ്റി അംഗങ്ങളായ കെ.പി. സലിം, സി.എൻ. പ്രഭ കുമാർ, എ.ഡി. ഗോപി, ടി.കെ. മോഹനൻ, പി.എസ്. മോഹനൻ, ഒ.എൻ. വിജയൻ, സി.കെ. പ്രകാശ്, അനിൽ ചെറിയാൻ, ജോഷി സ്കറിയ, ബിജു സൈമൺ, സണ്ണി കുര്യാക്കോസ്, ഫെബീഷ് ജോർജ്, നഗരസഭാ അദ്ധ്യക്ഷ വിജയ ശിവൻ എന്നിവർ സംസാരിച്ചു.