തൃപ്പൂണിത്തുറ: എല്ലാ വീട്ടിലും തൊഴിൽ അല്ലെങ്കിൽ ഒരു സംരംഭം ഉറപ്പുവരുത്താനാണ് സർക്കാരിന്റെ ശ്രമമെന്ന് മന്ത്രി പി. രാജീവ് പറഞ്ഞു. ഉദയംപേരൂർ സർവീസ് സഹകരണബാങ്ക് ശതാബ്ദി ആഘോഷങ്ങളുടെ ഭാഗമായി നിർമ്മിച്ച ശതാബ്ദി സ്മാരകമന്ദിരം ഉദ്ഘാടനം ചെയ്യുകയായിരുന്നു അദ്ദേഹം.

ഗ്രാമീണ മേഖലയിൽ പ്രവർത്തിക്കുന്ന സഹകരണ ബാങ്കുകൾക്ക് മേഖലയിലെ മനുഷ്യരുടെ ജീവിതനിലവാരം ഉയർത്താൻ സാധിക്കുമെന്നും മന്ത്രി പറഞ്ഞു. ബാങ്ക് പ്രസിഡന്റ് കെ.എസ്. ലിജു അദ്ധ്യക്ഷനായി.

സോളാർ വായ്പാ വിതരണം കെ.ബാബു എം.എൽ.എ ഉദ്ഘാടനം ചെയ്തു. സെക്രട്ടറി ഇ.പി. ഷീബ റിപ്പോർട്ട് അവതരിപ്പിച്ചു. ദീർഘകാലം ബാങ്ക് പ്രസിഡന്റായിരുന്ന വി.വി. കൃഷ്ണൻ, മികച്ച ക്ഷീരകർഷകർ, ജൈവ പച്ചക്കറി കൃഷി ഗ്രൂപ്പ് തുടങ്ങിയവരെ ആദരിച്ചു. പഞ്ചായത്ത് പ്രസിഡന്റ് സജിത മുരളി, ജില്ലാ പഞ്ചായത്ത് അംഗം കെ.വി. അനിത, ടി.കെ. ജയചന്ദ്രൻ, പി.കെ. സുബ്രഹ്മണ്യൻ, കെ.കെ. ഷാബു, ടി.ടി. ജയരാജ്, കെ.എ. ജയരാജ്, പി.ജി. രാജൻ എന്നിവർ സംസാരിച്ചു.