ആലുവ: പെരിയാറിൽ നാലംഗസംഘം സഞ്ചരിച്ച വഞ്ചിമറിഞ്ഞ് ഒരാളെ കാണാതായി. ആലുവ പട്ടേരിപ്പുറം അറവച്ചപ്പറമ്പിൽ അശോകൻ - ബിന്ദു ദമ്പതികളുടെ മകൻ അജയി​നെയാണ് (25) കാണാതായത്. രാത്രി വൈകിയും തെരച്ചിൽ തുടരുന്നു. ഇന്നലെ വൈകിട്ട് നാലോടെയാണ് നാലംഗസംഘം പുളിഞ്ചോട് കല്ലുകടവിൽനിന്ന് ഫൈബർവഞ്ചിയിൽ പെരിയാർ ചുറ്റാനിറങ്ങിയത്. ഇതിനിടയിൽ വഞ്ചി മറിയുകയായിരുന്നു. അജയ് ഒഴികെയുള്ളവർ നീന്തിയും നാട്ടുകാരുടെ സഹായത്തോടെയും രക്ഷപ്പെട്ടു. നീന്താൻ വശമില്ലാത്ത അജയ് വെള്ളത്തിൽ മുങ്ങിപ്പോയി​.

ആലുവ ഫയർഫോഴ്സ് സംഘവും പൊലീസും ഉളിയന്നൂരിൽ നിന്നുള്ള മുങ്ങൽ വിദഗ്ദ്ധരുമെല്ലാം പെരിയാറിൽ തുഴച്ചിൽ തുടരുകയാണ്. തൃക്കാക്കരയിലെ സ്വകാര്യ സ്ഥാപനത്തിൽ ഒരുമാസം മുമ്പാണ് ഗ്രാഫിക് ഡിസൈനറായി അജയ് ജോലിയിൽ പ്രവേശിച്ചത്.