പെരുമ്പാവൂർ: പെരുമ്പാവൂരിൽ രാസ ലഹരി പിടികൂടിയ കേസിൽ അന്യ സംസ്ഥാന തൊഴിലാളിയായ ഒരാൾ കൂടി അറസ്റ്റിൽ. അസാം നൗഗോൺ സ്വദേശി ബിലാൽ (37)നെയാണ് പെരുമ്പാവൂർ പൊലീസ് അറസ്റ്റ് ചെയ്തത്. കുതിരപറമ്പ് ഭാഗത്ത് താമസിക്കുന്ന അന്യ സംസ്ഥാന തൊഴിലാളിയായ മജിബൂർ റഹ്മാൻ എന്നയാളിൽ നിന്ന കഴിഞ്ഞ വ്യാഴാഴ്ച രാത്രി 11ഗ്രാം ഹെറോയിൻ പിടികൂടിയിരുന്നു. തുടർന്ന് നടത്തിയ അന്വേഷണത്തിലാണ് മജിബൂർ റഹ്മാന് ഹെറോയിൻ നൽകിയത് ബിലാലാണെന്ന് കണ്ടെത്തിയത്. ഇയാൾക്കെതിരെ ആസാമിൽ കൊലപാതകത്തിനും ആയുധ നിയമത്തിനും എതിരെ കേസുകൾ നിലവിലുണ്ട്. ഇയാളെ കോടതിയിൽ ഹാജരാക്കി റിമാൻഡ് ചെയ്തു. അന്വേഷണ സംഘത്തിൽ ഇൻസ്പെക്ടർ ടി.എം. സൂഫി, എസ്.ഐ മാരായ റിൻസ് എം. തോമസ്. പി.എം . റാസിഖ്, എസ്.സി.പി.ഓ രഞ്ജിത്ത് രാജ് എന്നിവരാണ് ഉണ്ടായിരുന്നത്.