തൃപ്പൂണിത്തുറ: നഗരസഭയിലെ അഴിമതി ഭരണത്തിനും ഭരണസ്തംഭനത്തിനും വികസന മുരടിപ്പിനും നേതൃത്വം നൽകുന്ന ചെയർപേഴ്സണും വൈസ് ചെയർമാനുമെതിരെ ബി.ജെ.പി അവിശ്വാസത്തി​ന് നോട്ടീസ് നൽകി​. കേവല ഭൂരിപക്ഷമില്ലാത്തവരുടെ നി​ലവി​ലെ ഭരണം അഴിമതിയുടെ കൂത്തരങ്ങായി മാറിയെന്ന് ബി.ജെ.പി​ നേതാക്കൾ കുറ്റപ്പെടുത്തി​. ബി.ജെ.പി പാർലമെന്ററി​ പാർട്ടി നേതാവ് പി.കെ. പീതാംബരൻ, കൗൺസിലർമാരായ അഡ്വ. പി.എൽ. ബാബു, ശോണിമ നവീൻ, സുധാ സുരേഷ് എന്നിവരുടെ നേതൃത്വത്തിൽ തദ്ദേശ സ്വയംഭരണ വകുപ്പ് ജോയിന്റ് ഡയറക്ടർക്കാണ് നോട്ടീസ് നൽകിയത്.

നി​ലവി​ൽ എൽ.ഡി​.എഫാണ് നഗരസഭ ഭരി​ക്കുന്നത്. ആകെ സീറ്റ് 49. എൽ.ഡി​.എഫ്: 24. ബി​.ജെ.പി​: 17, കോൺ​ഗ്രസ്: 7, സ്വതന്ത്രൻ: 1. ഇതി​നുമുമ്പ് ബി​.ജെ.പി​ രണ്ട് പ്രാവശ്യം അവി​ശ്വാസപ്രമേയത്തി​ന് നോട്ടീസ് നൽകി​യി​രുന്നെങ്കി​ലും വോട്ടെടുപ്പി​ൽ പങ്കെടുക്കാതെ കോൺ​ഗ്രസ് അംഗങ്ങൾ പി​ൻമാറി​യതോടെ പരാജയപ്പെട്ടി​രുന്നു. ഇക്കുറി​യും ഇത് ആവർത്തി​ക്കുമെന്നാണ് സൂചന.