കൊച്ചി : ശബരിമല തീർത്ഥാടകരുടെ ഇടത്താവളമായ ആലപ്പുഴ തുറവൂർ മഹാക്ഷേത്രത്തിൽ മുഖ്യമന്ത്രിയടക്കമുളളവർക്ക് അഭിവാദ്യമർപ്പിച്ച് ഫ്ലക്‌സ് ബോർഡ് വച്ചതിനെതിരെ ഹൈക്കോടതി. തീർത്ഥാടകർ വരുന്നത് ഭഗവാനെ കാണാനാണെന്നു പറഞ്ഞ ഡിവിഷൻബെഞ്ച്, ഫ്ലക്‌സ് എന്തുകൊണ്ട് എടുത്തുമാറ്റിയില്ലെന്നും ചോദിച്ചു. ക്ഷേത്രങ്ങളുടെ ഉടമസ്ഥനല്ല താനെന്ന് തിരുവിതാംകൂർ ദേവസ്വം ബോർഡ് പ്രസിഡന്റ് മനസിലാക്കണം, നടത്തിപ്പുകാരൻ മാത്രമാണ്. ഇത്തരം നടപടികൾ അനുവദിക്കാനാകില്ലെന്നും ജസ്റ്റിസ് അനിൽ കെ. നരേന്ദ്രൻ അദ്ധ്യക്ഷനായ ദേവസ്വം ബെഞ്ച് പറഞ്ഞു.